ផ្លូវការ៖ Zinedine Zidane ក្លាយជាគ្រូបង្វឹកថ្មីរបស់ជម្រើសជាតិបារាំង ដោយចុះកិច្ចសន្យារហូតដល់ឆ្នាំ 2030

Zinedine Zidane បានក្លាយជាគ្រូបង្វឹកថ្មីរបស់ក្រុមជម្រើសជាតិបារាំងជាផ្លូវការហើយ។ សហព័ន្ធបាល់ទាត់បារាំង (FFF) បានប្រកាសពីការតែងតាំងអតីតអ្នកចាត់ការទូទៅរបស់ Real Madrid រូបនេះ ដោយរូបគេបានចុះកិច្ចសន្យារហូតដល់ឆ្នាំ 2030។ លោកនឹងដឹកនាំក្រុម Les Bleus ក្នុងការប្រកួតពានរង្វាន់ Euro 2028 និង 2030 World Cup។ ប្រធានសហព័ន្ធ FFF លោក Philippe Diallo បានថ្លែងថា៖ «នេះជាខណៈពេលដ៏វិសេសវិសាល។ វាមានរយៈពេល ១៤ ឆ្នាំហើយដែលសហព័ន្ធស្ថិតក្នុងស្ថានភាពត្រូវតែងតាំងគ្រូបង្វឹកថ្មី។ ខ្ញុំសូមថ្លែងអំណរគុណដល់លោក Deschamps ដែលបាននាំក្រុមជម្រើសជាតិបារាំងឡើងទៅដល់កំពូល និងកសាងរូបភាពឡើងវិញនៅលើទីលានក្នុងរយៈពេល ១៤ ឆ្នាំកន្លងមកនេះ»។

លោក Zidane បានសម្តែងអារម្មណ៍រីករាយយ៉ាងខ្លាំងថា៖ «នេះជាសេចក្តីរីករាយដ៏ធំធេងណាស់។ ខ្ញុំពិតជាមានសេចក្តីសុខ និងត្រៀមខ្លួនរួចជាស្រេចសម្រាប់ប្រឈមមុខនឹងប្រកួតប្រជែងនេះ។ នេះជាគោលដៅតែមួយគត់ដែលខ្ញុំចង់ធ្វើ បន្ទាប់ពីបទពិសោធនៅ Real Madrid»។ លោកបានបន្ថែមទៀតថា លោកបានឆ្លងកាត់គ្រប់ដំណាក់កាលតាំងពីកម្រិតយុវជន រហូតដល់ក្រុមជម្រើសជាតិធំ ដែលជាកំពូលនៃអាជីព។ អ្វីដែលជម្រុញចិត្តលោកតែមួយគត់នាពេលនេះ គឺការបានធ្វើការឱ្យក្រុមមួយនេះ និងឃើញពួកគេបន្តទទួលបានជោគជ័យ។