Ruben Amorim កោះហៅវីរបុរស Man Utd ៦ រូប មកជួយក្រុម
អត្ថបទសរសេរដោយ Bonat • 98 views
លោក Ruben Amorim គ្រូបង្វឹកក្រុម Manchester United ត្រូវបានគេរាយការណ៍ថា នឹងអញ្ជើញវីរបុរសក្លិប ៦ រូប រួមមាន Eric Cantona, David Beckham, Paul Scholes, Teddy Sheringham, Andy Cole និង Dwight Yorke ឱ្យមក ជួយណែនាំ ដល់កីឡាករវ័យក្មេង ក្នុងបំណង ជំរុញការកសាងក្រុម របស់លោកឱ្យកាន់តែមានកម្រិតខ្ពស់។ លោក Amorim ចង់ឱ្យវីរបុរសទាំងនោះចែករំលែក "ចំណេះដឹង រឿងរ៉ាវ និងដំបូន្មាន" អំពីអត្ថន័យនៃការតំណាងឱ្យក្លិប Man Utd ដើម្បី លើកទឹកចិត្តកីឡាករវ័យក្មេង ទាំងក្នុងនិងក្រៅទីលាន។
ក្រុម United បានបង្ហាញសញ្ញាល្អប្រសើរ (ឈ្នះ ៣ និងស្មើ ២ ក្នុង ៥ ប្រកួត ចុងក្រោយ) ហើយកំពុងស្ថិតនៅលេខ ៧ ក្នុងតារាង Premier League។ ក្រៅពីការប្រើប្រាស់ឥទ្ធិពលវីរបុរស លោក Amorim ក៏កំពុងមានផែនការ ចុះហត្ថលេខាលើខ្សែបម្រើថ្មី ក្នុងខែមករា ដើម្បីពង្រឹងតំបន់កណ្តាលរបស់ក្រុមផងដែរ។
