Raphinha ត្រៀមវិលត្រឡប់ចូលក្រុម Barcelona វិញ
អត្ថបទសរសេរដោយ Bonat • 95 views
ក្លិប Barcelona កំពុងមានសុទិដ្ឋិនិយមអំពីការវិលត្រឡប់របស់ខ្សែបម្រើស្លាប Raphinha ដែលបានអវត្តមានដោយសាររបួស សរសៃពួរភ្លៅ អស់រយៈពេល ៦ សប្តាហ៍ (យូរជាងការរំពឹងទុកដំបូង ៣ សប្តាហ៍)។
កីឡាករវ័យ ២៨ ឆ្នាំ រូបនេះកំពុងស្ថិតក្នុង ដំណាក់កាលចុងក្រោយ នៃការស្តារនីតិសម្បទា ហើយត្រូវបានគេរំពឹងថានឹង ចូលរួមហ្វឹកហាត់ជាមួយក្រុមពេញលេញ ក្នុងពេលឆាប់ៗនេះ។
រូបគេអាចនឹងធ្វើដំណើរទៅប្រកួតទល់នឹង Celta Vigo ប៉ុន្តែការចូលលេងរបស់គេទំនងជាមិនច្រើនទេ ខណៈដែលការវិលត្រលប់ពេញលេញទំនងជានឹងកើតឡើង ក្រោយពេលសម្រាកជម្រើសជាតិខែវិច្ឆិកា។ វត្តមានរបស់ Raphinha (ដែលបានចូលរួមចំណែក ៣ គ្រាប់ និង ២ Assist ក្នុង ៧ ប្រកួត រដូវកាលនេះ) នឹងផ្តល់នូវការជំរុញដ៏សំខាន់ដល់ក្រុម Barca ដែលកំពុងស្ថិតនៅលេខពីរក្នុងតារាង La Liga។
