Leandro Trossard ចង់បានកិច្ចសន្យាថ្មីបន្ថែមទៀតជាមួយ Arsenal
អត្ថបទសរសេរដោយ Bonat • 104 views
ខ្សែប្រយុទ្ធ Leandro Trossard របស់ Arsenal កំពុងមានគោលបំណងចង់ចរចា កិច្ចសន្យាថ្មីមួយទៀត បើទោះបីជារូបគេទើបតែទទួលបានការដំឡើងប្រាក់ឈ្នួលកាលពីរដូវក្តៅមុនក៏ដោយ។ កីឡាករជនជាតិបែលហ្ស៊ិករូបនេះ (វ័យ ៣០ ឆ្នាំ នៅខែធ្នូនេះ) បាននិយាយថា រូបគេ "ស្រឡាញ់ជីវិតនៅ Arsenal" ហើយ "សប្បាយរីករាយណាស់ដែលបាននៅទីនេះ" ដោយថាខ្លួនបើកចំហរចំពោះការពិភាក្សាអនាគត ទោះបីជាកិច្ចសន្យាបច្ចុប្បន្នរបស់គេនៅសល់ ២ ឆ្នាំ ក៏ដោយ។
ទោះបីជា Trossard ចង់បានកិច្ចសន្យាថ្មីក៏ដោយ ក្លិប Arsenal ត្រូវបានរាយការណ៍ថា កំពុងរៀបចំ កិច្ចព្រមព្រៀងដ៏ធំ ដើម្បីចុះហត្ថលេខាលើតារាឆ្នើម Juventus កីឡាករ Kenan Yildiz (វ័យ ២០ ឆ្នាំ) ដោយត្រៀមស្នើកញ្ចប់ថវិកា €៦០ លានអឺរ៉ូ បូករួមទាំង Trossard ផងដែរ។ Juventus វាយតម្លៃ Yildiz ក្នុងតម្លៃខ្ពស់ជាងនេះ។ ក្លិប Arsenal កំពុងផ្តោតលើការកសាងក្រុមរយៈពេលវែង ដោយកំពុងត្រៀមផ្តល់កិច្ចសន្យាដ៏ធំដល់ Bukayo Saka និងកំពុងពិភាក្សាជាមួយ Jurrien Timber ខណៈដែលលោក Mikel Arteta ចង់បានកីឡាករដែលមានគុណភាពសម្រាប់ទស្សនវិស័យអនាគត។
