Lamine Yamal ទម្លាយសម្តី Lionel Messi និយាយទៅកាន់រូបគេបន្ទាប់ពីវគ្គផ្តាច់ព្រ័ត្រ World Cup 2026
អត្ថបទសរសេរដោយ Danny • 26 views
កីឡាករវ័យក្មេង Lamine Yamal បានទម្លាយពីខណៈពេលដ៏រំភើបដែលរូបគេបានចែករំលែកជាមួយ Lionel Messi បន្ទាប់ពីការប្រកួតវគ្គផ្តាច់ព្រ័ត្រ World Cup 2026 នៅទីក្រុង New York ដែលជាការប្រកួតដែលអេស្ប៉ាញបានយកឈ្នះលើអាហ្សង់ទីន។
បន្ទាប់ពីបញ្ចប់ការប្រកួត Yamal ត្រូវបានគេឃើញនិយាយគ្នាយ៉ាងជិតស្និទ្ធជាមួយ Messi។ នៅពេលសួរអំពីខ្លឹមសារនៃកិច្ចសន្ទនានោះ Yamal បានទម្លាយថា Messi បានប្រាប់រូបគេឱ្យបន្តដើរតាមផ្លូវរបស់ខ្លួន ហើយអនាគតគឺជារបស់ជំនាន់គេ។ Yamal បានបញ្ជាក់ថា ពាក្យសម្តីទាំងនោះមានតម្លៃសម្រាប់រូបគេស្មើនឹងមេដាយមាសដែលពាក់នៅលើកអញ្ចឹង។
បើទោះបីជាបានយកឈ្នះក្នុងការប្រកួតដ៏ធំនេះក៏ដោយ Yamal នៅតែបន្តបង្ហាញការគោរពយ៉ាងជ្រាលជ្រៅចំពោះអតីតវីរបុរស Barcelona រូបនេះ ដោយបានបញ្ជាក់ថា Messi គឺជាមនុស្សម្នាក់ដែលរូបគេតែងតែកោតសរសើររហូតមក។
បើទោះបីជាអាហ្សង់ទីនទទួលបានត្រឹមជើងឯករងក៏ដោយ Messi នៅតែបង្ហាញទម្រង់លេងយ៉ាងលេចធ្លោក្នុងព្រឹត្តិការណ៍ World Cup 2026 ដោយរកបាន ៨ គ្រាប់ និង Assist ៤ លើក។ មុនការប្រកួតវគ្គផ្តាច់ព្រ័ត្រ Messi ក៏ធ្លាប់បានសរសើរ Yamal ថាជាកីឡាករដ៏អស្ចារ្យ និងជាតារាបាល់ទាត់ពិភពលោកផងដែរ។
ទំនាក់ទំនងរវាងអ្នកទាំងពីរមានប្រវត្តិជិត ២០ ឆ្នាំមកហើយ ដោយរូបថតដ៏ល្បីល្បាញកាលពីឆ្នាំ ២០០៧ សម្រាប់កម្មវិធីសប្បុរសធម៌ UNICEF បានបង្ហាញពី Messi វ័យ ២០ ឆ្នាំ កំពុងជួយងូតទឹកឱ្យ Yamal កាលនៅជាទារកអាយុ ៥ ខែ នៅក្នុងបន្ទប់ផ្លាស់សម្លៀកបំពាក់របស់ Barcelona។
