ដំណើរជោគជ័យ និងការចាកចេញរបស់ James Rodríguez ពីលីគអាមេរិកបន្ទាប់ពីផ្លាស់មកបាន ៦ ខែ
អត្ថបទសរសេរដោយ Danny • 27 views
ក្លិប Minnesota United បានប្រកាសផ្លូវការពីការចាកចេញរបស់ខ្សែបម្រើសញ្ជាតិកូឡុំប៊ី James Rodríguez បន្ទាប់ពីផ្លាស់មកលេងនៅលីគអាមេរិកបានត្រឹមតែ ៦ ខែប៉ុណ្ណោះ។
ក្លិប Minnesota មានជម្រើសក្នុងការបន្តកិច្ចសន្យារបស់ James រហូតដល់ខែធ្នូខាងមុខ ប៉ុន្តែពួកគេបានសម្រេចចិត្តមិនប្រើប្រាស់សិទ្ធិនេះឡើយ។ អតីតកីឡាករ Real Madrid រូបនេះ បានបង្ហាញខ្លួនបានត្រឹមតែ ៨ ប្រកួតប៉ុណ្ណោះសម្រាប់ក្លិប ចាប់តាំងពីបានផ្លាស់មកកាលពីខែមករាកន្លងទៅ។
បច្ចុប្បន្ន ខ្សែបម្រើវ័យ ៣៥ ឆ្នាំរូបនេះបានក្លាយជាកីឡាករគ្មានកិច្ចសន្យា (Free Agent) និងត្រូវស្វែងរកក្លិបទី ១៤ ក្នុងអាជីពបាល់ទាត់អាជីពរបស់ខ្លួន។
James Rodríguez ធ្លាប់បានពាក់ស្លាកប្រធានក្រុមដឹកនាំជម្រើសជាតិកូឡុំប៊ី ឡើងដល់វគ្គ ១៦ ក្រុមចុងក្រោយក្នុងព្រឹត្តិការណ៍ World Cup 2026 មុនពេលចាញ់ស្វីសដោយការទាត់បាល់ប៉េណាល់ទីកាត់សេចក្តី។
ទោះជាយ៉ាងណា ស្ថានភាពនៅក្លិបរបស់គេហាក់មានភាពមិនច្បាស់លាស់ឡើយ។ ចាប់តាំងពីចាកចេញពី Bayern Munich ក្នុងឆ្នាំ ២០១៩ ខ្សែបម្រើប្រកបដោយបច្ចេកទេសរូបនេះមិនធ្លាប់ប្រកួតឱ្យក្លិបណាមួយបានលើសពីមួយរដូវកាលឡើយ ដោយបានផ្លាស់ប្តូរក្លិបចំនួន ៨ ផ្សេងគ្នាក្នុងរយៈពេល ៧ ឆ្នាំចុងក្រោយនេះ។
