Guardiola ធ្វើឱ្យសហព័ន្ធបាល់ទាត់អ៊ីតាលីភ្ញាក់ផ្អើលជាមួយនឹងសំណើគ្មានផ្លូវអាចទៅរួច ដោយ ទាមទារប្រាក់ខែ 20 លានអឺរ៉ូក្នុងមួយឆ្នាំដើម្បីដឹកនាំក្រុមជម្រើសជាតិអ៊ីតាលី
អត្ថបទសរសេរដោយ Danny • 29 views
ព័ត៌មាននៃការចង់បានលោក Pep Guardiola មកដឹកនាំក្រុមជម្រើសជាតិអ៊ីតាលីបានលេចឡើងសារជាថ្មី បន្ទាប់ពីលោក Gabriele Gravina ប្រធានសហព័ន្ធបាល់ទាត់អ៊ីតាលី បានទទួលស្គាល់ថាមានការទាក់ទងគ្នាជាមួយគ្រូបង្វឹកសញ្ជាតិអេស្ប៉ាញរូបនេះពិតមែន។
សារព័ត៌មាន La Gazzetta dello Sport បានរាយការណ៍ថា គ្រូបង្វឹករបស់ Manchester City រូបនេះ បានទាមទារប្រាក់ខែរហូតដល់ ២០ លានអឺរ៉ូក្នុងមួយឆ្នាំ ដែលជាចំនួនទ្វេដងនៃថវិកាដែលសហព័ន្ធបាល់ទាត់អ៊ីតាលីអាចចំណាយបាន។
ប្រភពដដែលបានបញ្ជាក់ថា ការទាមទារតម្លៃខ្លួនដ៏ខ្ពស់នេះ ប្រហែលជាចេតនារបស់ Guardiola ក្នុងការបដិសេធសំណើនេះដោយប្រយោល ដោយសាររូបលោកធ្លាប់បានបង្ហើបថា ចង់សម្រាកមួយរយៈបន្ទាប់ពីដឹកនាំ Manchester City អស់រយៈពេល ១០ ឆ្នាំ មុនពេលចាប់ផ្តើមគម្រោងថ្មី។
ក្រុមជម្រើសជាតិអ៊ីតាលីកំពុងជួបវិបត្តិយ៉ាងធ្ងន់ធ្ងរ ដោយសារតែពួកគេបានខកខានកៅអីព្រឹត្តិការណ៍ World Cup ចំនួន ៣ លើកជាប់ៗគ្នា (ឆ្នាំ ២០១៨, ២០២២ និង ២០២៦)។ ការចង់បាន Guardiola គឺជាបំណងប្រាថ្នាធំបំផុតដើម្បីស្តារបាល់ទាត់អ៊ីតាលីឡើងវិញ ប៉ុន្តែដោយសារតម្លៃខ្លួនខ្ពស់ពេក សហព័ន្ធបាល់ទាត់អ៊ីតាលីត្រូវស្វែងរកបេក្ខភាពផ្សេងទៀតដូចជា Andrea Pirlo, Roberto Mancini ឬ Antonio Conte។
