គ្រូបង្វឹកន័រវេស សុំទោសក្រុមអ៊ីតាលី ចំពោះការអបអរខ្លាំងពេក បន្ទាប់ពី Erling Haaland ជួយក្រុមជម្រុះ World Cup
អត្ថបទសរសេរដោយ Bonat • 96 views
លោក Stale Solbakken គ្រូបង្វឹកក្រុម ន័រវេស បាននិយាយថា លោកបាន "ច្រៀង និងរាំ" ជាមួយកីឡាករនៅក្នុងបន្ទប់ផ្លាស់សំលៀកបំពាក់ បន្ទាប់ពីក្រុមរបស់លោកយកឈ្នះ អ៊ីតាលី ៤-១ ដែលជាជ័យជម្នះដ៏សំខាន់ជួយក្រុមន័រវេស ជាប់ជម្រុះ World Cup ជាលើកដំបូងចាប់តាំងពីឆ្នាំ ១៩៩៨ មក។ លោក Solbakken បានទទួលស្គាល់ថា ការអបអរនេះ "ហាក់ដូចជាលើសលប់" ហើយលោកបាន សុំទោស ក្រុម អ៊ីតាលី សម្រាប់ការប្រារព្ធពិធីនេះ។ ន័រវេស បានវាយបកតាមពីក្រោយ ០-១ ក្នុងតង់ទីមួយ ហើយរកបាន ៤ គ្រាប់ ក្នុងតង់ទីពីរ ដោយមានការស៊ុតបញ្ចូលទី ២ គ្រាប់ ពី Erling Haaland។
ការបរាជ័យនេះបានធ្វើឱ្យក្រុម អ៊ីតាលី របស់លោក Gennaro Gattuso ត្រូវបង្ខំចិត្តទៅលេង វគ្គ Play-offs សម្រាប់ការប្រកួត World Cup ជាលើកទី ៣ ជាប់ៗគ្នា ដោយលោក Gattuso បានសុំទោសចំពោះការលេង "ខុសទាំងស្រុង" របស់ក្រុមក្នុងតង់ទីពីរ ដោយសារ "ភាពភ័យខ្លាច" និង "ភាពទន់ខ្សោយ"។
