ក្ដៅៗ! Erik ten Hag ត្រូវបាន Bayer Leverkusen បណ្ដេញចេញពីកៅអីអ្នកចាត់ការ បន្ទាប់ពីដឹកនាំបានតែ ២ ប្រកួត
អត្ថបទសរសេរដោយ • 214 views
ក្ដៅៗ! Erik ten Hag ត្រូវបាន Bayer Leverkusen បណ្ដេញចេញពីកៅអីអ្នកចាត់ការ បន្ទាប់ពីដឹកនាំបានតែ ២ ប្រកួត
ក្លឹប Bayer Leverkusen បានប្រកាសយ៉ាងតក់ក្រហល់នូវដំណឹងនៃការបណ្ដេញអ្នកចាត់ការទូទៅរបស់ខ្លួនគឺលោក Erik ten Hag ចេញពីតំណែង បន្ទាប់ពីចូលដឹកនាំទើបតែបាន ២ ប្រកួត។
សម្រាប់បច្ចុប្បន្ននេះក្រុមជំនួយការគ្រូបង្វឹកនឹងត្រូវមានតួនាទីដឹកនាំក្រុមបណ្ដោះអាសន្នរហូតទាល់តែមានការប្រកាសតែងតាំងអ្នកចាត់ការថ្មី។
លោក Ten Hag ត្រូវបាន Leverkusen តែងតាំងឲ្យកាន់តំណែងអ្នកចាត់ការក្លឹបកាលពីដើមរដូវកាលក្ដៅជំនួសលោក Xabi Alonso ដែលបានចាកចេញពីក្លឹបដើម្បីទៅដឹកនាំក្រុមអធិរាជស Real Madrid ។
តែទោះជាយ៉ាងណា ការមកដល់របស់បុរសសញ្ជាតិហូឡង់រូបនេះហាក់មិនទទួលបានការពេញចិត្តពីក្រុមកីឡាកររបស់ Leverkusen ឡើយ ខណៈដែលការចាប់ផ្ដើមរដូវកាលថ្មីរបស់ពួកគេក៏មិនទទួលនូវផ្លែផ្កាល្អផងដែរ ដោយ ២ ប្រកួតដំបូងនៅក្នុងលីគពួកគេបានចាញ់ក្រុម Hoffenheim និងស្មើជាមួយ Weder ។
