មាន់គកជួបដំណឹងអាក្រក់! ខ្សែបម្រើការពារសំខាន់ Aurélien Tchouaméni និងត្រូវដកខ្លួនចេញពីជំនួបជាមួយប៉ារ៉ាហ្គាយ (Paraguay) យប់នេះ ដោយសាររបួស
អត្ថបទសរសេរដោយ Danny • 51 views
ក្រុមជម្រើសជាតិបារាំង (France) បានទទួលដំណឹងដ៏អាក្រក់បំផុតមួយ ត្រឹមតែប៉ុន្មានម៉ោងប៉ុណ្ណោះមុនពេលការប្រកួតវគ្គ ១៦ ក្រុមចុងក្រោយនៃពានរង្វាន់ World Cup ២០២៦ ឈានចូលមកដល់ ដោយត្រូវបាត់បង់កម្លាំងស្នូលដ៏សំខាន់ម្នាក់នៅក្នុងតំបន់បម្រើ។
យោងតាមការចុះផ្សាយពីសារព័ត៌មានល្បីៗរបស់បារាំងរួមមាន RMC Sport និង L'Équipe បានបញ្ជាក់ថា ខ្សែបម្រើការពារ និងជាអនុប្រធានក្រុមមាន់គក កីឡាករ Aurélien Tchouaméni នឹងត្រូវអវត្តមានក្នុងការប្រកួតទល់នឹងក្រុមប៉ារ៉ាហ្គាយ (Paraguay) ដែលនឹងត្រូវធ្វើឡើងនៅម៉ោង ៤:០០ ទៀបភ្លឺ ឈានចូលថ្ងៃអាទិត្យនេះ (ម៉ោងនៅក្នុងប្រទេសកម្ពុជា) ដោយសារតែបញ្ហារបួសភ្លៅ។ យោងតាមប្រភពដដែល កីឡាករ Manu Koné ត្រូវបានគេរំពឹងថានឹងចូលមកជំនួសតំណែងនេះ បន្ទាប់ពីរូបគេធ្លាប់បានបង្ហាញទម្រង់លេងយ៉ាងល្អក្នុងវគ្គចែកពូលកន្លងមក។
ទោះជាយ៉ាងណាក៏ដោយ ក្រុមគ្រូពេទ្យរបស់ជម្រើសជាតិបារាំងបានបង្ហើបថា របួសរបស់តារាឆ្នើមរបស់ក្លិប Real Madrid រូបនេះមិនមានសភាពធ្ងន់ធ្ងរខ្លាំងឡើយ។ រូបគេអាចនឹងមានកាយសម្បទាគ្រប់គ្រាន់ក្នុងការត្រលប់មកជួយក្រុមវិញបាន នៅក្នុងវគ្គ ៨ ក្រុមចុងក្រោយ ប្រសិនបើក្រុមបារាំងអាចយកឈ្នះប៉ារ៉ាហ្គាយ ក្នុងការប្រកួតទាបភ្លឺនេះ។
