Al-Hilal រៀបចំផែនការធំ! មន្ត្រីជាន់ខ្ពស់ធ្វើដំណើរទៅកាន់ទីក្រុងឡុងដ៍ដើម្បីចរចាដេញថ្លៃទិញ Harry Kane

ក្លិប Al-Hilal កំពុងរៀបចំផែនការផ្លាស់ប្តូរសមាជិកក្រុមឡើងវិញក្នុងទីផ្សារដោះដូរកីឡាកររដូវក្តៅនេះ បន្ទាប់ពីការបង្ហាញទម្រង់លេងមិនសូវសមប្រកបក្នុងរដូវកាល ២០២៥-២០២៦ ដោយឈ្នះបានត្រឹមតែពានរង្វាន់ Custodian of the Two Holy Mosques Cup ប៉ុណ្ណោះ។

យោងតាមសារព័ត៌មាន Al-Midan Al-Riyadi នាយកបច្ចេកទេសរបស់ក្លិប Al-Hilal លោក Simon Francis បានធ្វើដំណើរទៅកាន់ទីក្រុងឡុងដ៍ ដើម្បីជួបពិភាក្សាជាមួយតំណាង និងភ្នាក់ងាររបស់ Harry Kane។ ជំនួបនេះធ្វើឡើងដើម្បីស្វែងយល់ពីតម្រូវការប្រាក់ខែ និងលក្ខខណ្ឌផ្សេងៗរបស់ខ្សែប្រយុទ្ធអង់គ្លេសរូបនេះ មុនពេលឈានដល់ការចរចាផ្លូវការជាមួយក្លិប Bayern Munich ដែលរូបគេមានកិច្ចសន្យារហូតដល់ថ្ងៃទី ៣០ ខែមិថុនា ឆ្នាំ ២០២៧។

កំណត់ត្រារបស់ Harry Kane នៅ Bayern Munich៖ Harry Kane បានផ្លាស់ចេញពី Tottenham Hotspur មកកាន់ Bayern Munich កាលពីរដូវក្តៅឆ្នាំ ២០២៣ ក្នុងតម្លៃប្រមាណ ៩៥ លានអឺរ៉ូ។ ក្នុងកំឡុងពេលនៅអាល្លឺម៉ង់ ខ្សែប្រយុទ្ធវ័យ ៣២ ឆ្នាំរូបនេះ៖

• បង្ហាញខ្លួនបាន ១៤៧ ប្រកួត

• ស៊ុតបញ្ចូលទីបាន ១៤៦ គ្រាប់ និងធ្វើ Assist បាន ៣៣ លើក

• ឈ្នះពានរង្វាន់ផ្លូវការចំនួន ៤ រួមមាន៖ Bundesliga ២ លើក, German Cup ១ លើក និង German Super Cup ១ លើក។
  
  

សកម្មភាពដោះដូរកីឡាករផ្សេងទៀតរបស់ Al-Hilal៖ ក្រៅពីគោលដៅលើ Harry Kane ក្លិប Al-Hilal បន្ទាប់ពីស្ថិតក្រោមការគ្រប់គ្រងរបស់ព្រះអង្គម្ចាស់ Al-Waleed bin Talal បានទិញចូលកីឡាករក្នុងស្រុកជាច្រើនដូចជា Mohammed Al-Owais (អ្នកចាំទី), Mohammed Al-Sarnoukh (ខ្សែការពារស្តាំ) ព្រមទាំងកីឡាករ Sabri Dahl, Abdullah Al-Anazi និង Nawaf Al-Habashi។ លើសពីនេះ ពួកគេក៏បានឈានដល់កិច្ចព្រមព្រៀងនាំយកខ្សែប្រយុទ្ធស្លាប Crysencio Summerville ពី West Ham United ផងដែរ។