លោក Ruben Amorim បង្ហើបពីការសម្រេចចិត្តដាក់ Tyrell Malacia ចូលក្រុម Man Utd វិញ
អត្ថបទសរសេរដោយ Bonat • 106 views
លោក Ruben Amorim គ្រូបង្វឹកក្រុម Manchester United ត្រូវបានគេរាយការណ៍ថា បាន "ស្ទង់មតិ" កីឡាករក្រុមធំមួយចំនួនអំពីការ បញ្ចូល Tyrell Malacia មកក្នុងក្រុមវិញ បន្ទាប់ពីខ្សែការពារស្លាបឆ្វេងជនជាតិហូឡង់រូបនេះបានក្លាយជាកីឡាករ តែម្នាក់គត់ ដែលនៅសេសសល់ពីក្រុម 'bomb squad' (រួមមាន Sancho, Rashford, Garnacho, និង Antony) ដែល មិនអាចរកក្លិបផ្លាស់ទៅលេង មុនទីផ្សារដោះដូរបិទ។ បន្ទាប់ពីទទួលបាន មតិវិជ្ជមាន ពីកីឡាករ លោក Amorim បានយល់ព្រមអនុញ្ញាតឱ្យ Malacia ត្រលប់មកហ្វឹកហាត់ជាមួយក្រុមធំវិញ។
Malacia (វ័យ ២៦ ឆ្នាំ) ដែលត្រូវបានលោក Erik ten Hag ចុះហត្ថលេខាយកមកកាលពីឆ្នាំ ២០២២ បានជួបការលំបាកដោយសាររបួស ជង្គង់ ធ្ងន់ធ្ងរ ដែលធ្វើឱ្យរូបគេអវត្តមានអស់រយៈពេល ៥៥០ ថ្ងៃ។
