Randal Kolo Muani ត្រៀមវិលត្រឡប់មកប្រកួត North London Derby វិញ ដោយមានពាក់ម៉ាស់
អត្ថបទសរសេរដោយ Bonat • 94 views
ខ្សែប្រយុទ្ធខ្ចីជើងរបស់ Tottenham កីឡាករ Randal Kolo Muani ត្រូវបានគេរាយការណ៍ថា បាន ហ្វឹកហាត់ ជាមួយនឹង ម៉ាស់ការពារពិសេស បន្ទាប់ពីរងរបួស បាក់ថ្គាម ក្នុងជំនួបជាមួយ Manchester United កាលពីដើមខែនេះ។ របួសរបស់ Kolo Muani មិនតម្រូវឱ្យមាន ការវះកាត់ នោះទេ ហើយក្លិប Tottenham កំពុងធ្វើអ្វីគ្រប់យ៉ាងដើម្បីផ្តល់ឱកាសឱ្យរូបគេអាច ចូលរួម ប្រកួត North London Derby ដ៏សំខាន់ទល់នឹង Arsenal នៅថ្ងៃអាទិត្យនេះ។
ខ្សែប្រយុទ្ធសញ្ជាតិបារាំងរូបនេះ (ដែលខ្ចីជើងពី Paris Saint-Germain) មិនទាន់អាច រកគ្រាប់បាល់បាននៅឡើយទេ ក្នុងការបង្ហាញខ្លួន ៨ ប្រកួត សម្រាប់ Spurs។ ការត្រលប់មកវិញរបស់ Kolo Muani គឺមានសារៈសំខាន់សម្រាប់ក្រុម Tottenham (ស្ថិតនៅលេខ ៥) ខណៈដែលពួកគេត្រូវប្រឈមមុខនឹងក្រុម Arsenal ដែលកំពុងនាំមុខកំពូលតារាង ៤ ពិន្ទុ។
