កីឡាករ Cristiano Ronaldo Jr បានបង្ហាញខ្លួនលើកដំបូងសម្រាប់ក្រុមជម្រើសជាតិ ព័រទុយហ្គាល់ U16
អត្ថបទសរសេរដោយ Bonat • 97 views
កីឡាករ Cristiano Ronaldo Jr ដែលជាកូនប្រុសរបស់តារាឆ្នើម Al-Nassr បច្ចុប្បន្នកំពុងលេងក្នុងថ្នាលយុវជនរបស់ក្លិបឪពុករបស់គេ បានធ្វើការបង្ហាញខ្លួនលើកដំបូងសម្រាប់ក្រុមជម្រើសជាតិ ព័រទុយហ្គាល់ U16 ក្នុងនាមជាកីឡាករបម្រុង ក្នុងជ័យជម្នះ ២-០ លើក្រុម តួកគី ក្នុងពាន Federations Cup។ ការកោះហៅនេះគឺជាជំហានមួយទៀតដែលរូបគេដើរតាមគន្លងរបស់ឪពុក ដែលធ្លាប់បានបញ្ជាក់ថា Ronaldo Jr ជាកីឡាករ "ចូលចិត្តប្រកួតប្រជែងណាស់" ហើយសង្ឃឹមថា កូនប្រុសរបស់លោកនឹងក្លាយជាកីឡាករអាជីព។ ជីដូនរបស់គេគឺលោកស្រី Dolores Aveiro ក៏បានបង្ហាញការគាំទ្រ និងអបអរសាទរចំពោះចៅប្រុសរបស់លោកស្រីតាមបណ្តាញសង្គមផងដែរ។
