Arsenal ជួបវិបត្តិរបួសធ្ងន់ធ្ងរ មុនជំនួប North London Derby
អត្ថបទសរសេរដោយ Bonat • 110 views
លោក Mikel Arteta គ្រូបង្វឹកក្រុម Arsenal បានបញ្ជាក់ពី ដំណឹងដ៏អាក្រក់ ថា ខ្សែការពារកណ្តាលដ៏សំខាន់ Gabriel Magalhaes (វ័យ ២៧ ឆ្នាំ) នឹងត្រូវអវត្តមានពីការប្រកួត "ច្រើនសប្តាហ៍" ដោយសាររបួស ភ្លៅ ដែលរងអំឡុងពេលបំពេញកាតព្វកិច្ចជម្រើសជាតិប្រេស៊ីល។ ការអវត្តមានរបស់ Gabriel (ដែលជា "អ្នកដឹកនាំ" តំបន់ការពារ) ត្រូវបានគេខ្លាចថាអាចអវត្តមានរហូតដល់ ២ ខែ ដែលជះឥទ្ធិពលយ៉ាងធ្ងន់ធ្ងរដល់ក្រុម Gunners (ដែលកំពុងនាំមុខ ៤ ពិន្ទុ នៅកំពូលតារាង)។ លោក Arteta នឹងត្រូវពឹងផ្អែកលើខ្សែការពារបម្រុង Piero Hincapie និង Cristhian Mosquera ជំនួសវិញ។
ផ្ទុយទៅវិញ ក្រុម Tottenham របស់លោក Thomas Frank បានទទួលដំណឹងវិជ្ជមានយ៉ាងខ្លាំង ដោយកីឡាករសំខាន់ៗ ៣ រូប គឺ Pape Matar Sarr, Lucas Bergvall និងខ្សែប្រយុទ្ធ Randal Kolo Muani (ដែលនឹងពាក់ ម៉ាស់ការពារ) គឺ ត្រៀមខ្លួនរួចរាល់ សម្រាប់ការប្រកួត។ តែខ្សែប្រយុទ្ធ Dominic Solanke នៅតែបន្តអវត្តមាន។ ការប្រកួត North London Derby នេះត្រូវបានបង្កើនភាពសំខាន់កាន់តែខ្លាំង ដោយសារក្រុម Arsenal ត្រូវតស៊ូជាមួយបញ្ហារបួស ខណៈដែល Spurs មកដល់ជាមួយ ថាមពលពេញលេញ។
