ក្តីបារម្ភធំសម្រាប់ Arsenal៖ លោក Julian Nagelsmann បង្ហើបពីបញ្ហារបួស Kai Havertz កើតឡើងម្តងទៀត
អត្ថបទសរសេរដោយ Bonat • 96 views
លោក Julian Nagelsmann គ្រូបង្វឹកក្រុម ជម្រើសជាតិអាល្លឺម៉ង់ បានផ្តល់ព័ត៌មាន គួរឲ្យព្រួយបារម្ភ អំពីខ្សែប្រយុទ្ធ Arsenal កីឡាករ Kai Havertz (វ័យ ២៦ ឆ្នាំ) ដោយបញ្ជាក់ថា រូបគេមាន "ការកើតឡើងវិញនូវបញ្ហារបួសបន្តិចបន្តួច" (minor relapse) នៅជង្គង់។ Havertz បានរងរបួសជង្គង់តាំងពីដើមរដូវកាល ហើយការជាសះស្បើយរបស់គេត្រូវបានគេរំពឹងថានឹង ចំណាយពេលយូរជាងនេះ។ លោក Nagelsmann បាននិយាយថា Havertz និង Jamal Musiala ត្រូវការ "រកចង្វាក់លេងឡើងវិញជាមួយក្លិប" និងមានពេលរហូតដល់ខែមីនាដើម្បីមាន កាយសម្បទាពេញលេញ។
ដំណឹងនេះបន្ថែមលើបញ្ហារបួសដ៏ធ្ងន់ធ្ងររបស់ Arsenal ដែលកំពុងបាត់បង់កីឡាករសំខាន់ៗជាច្រើន រួមមានប្រធានក្រុម Martin Odegaard និងខ្សែការពារ Gabriel Magalhaes ដែលទើបតែរងរបួស ភ្លៅខាងស្តាំ ក្នុងពេលបំពេញកាតព្វកិច្ចជម្រើសជាតិ ហើយត្រូវបានគេខ្លាចថាអាចអវត្តមានរហូតដល់ ២ ខែ។ ទោះបីជាមានបញ្ហារបួសក៏ដោយ Arsenal បច្ចុប្បន្នកំពុង នាំមុខ ៤ ពិន្ទុ នៅកំពូលតារាង Premier League ហើយត្រៀមខ្លួនសម្រាប់ជំនួប North London Derby ទល់នឹង Tottenham នៅថ្ងៃអាទិត្យនេះ។
