Zinedine Zidane ជឿជាក់លើសមត្ថភាព Xabi Alonso ក្នុងការដឹកនាំ Real Madrid
អត្ថបទសរសេរដោយ Dany • 98 views
អតីតគ្រូបង្វឹក និងវីរបុរសបាល់ទាត់បារាំង Zinedine Zidane បានចេញមកបង្ហាញការគាំទ្រយ៉ាងខ្លាំងចំពោះ Xabi Alonso ក្នុងតួនាទីជាគ្រូបង្វឹករបស់ក្លិបយក្សអេស្ប៉ាញ Real Madrid ដោយអះអាងថា ប្រសិនបើ Alonso មិនអាចដឹកនាំក្រុមបានល្អ នោះគាត់មិនដឹងថាមានអ្នកណាអាចធ្វើបានល្អជាងនេះទៀតឡើយ។
ក្នុងបទសម្ភាសន៍មួយ Zinedine Zidane បានលើកឡើងថា ការងាររបស់ Xabi Alonso មិនមែនជារឿងងាយស្រួលនោះទេ ព្រោះគាត់មិនមានក្រុមកីឡាករលំដាប់ពិភពលោកច្រើនដូចសម័យដែល Zidane ធ្លាប់ដឹកនាំក្លិប។ អតីតគ្រូបង្វឹករូបនេះបានបញ្ជាក់ថា នៅពេលខ្លួននៅកាន់តំណែង គាត់មានកីឡាករលំដាប់កំពូលដល់ទៅ 22 នាក់ ខណៈដែល Xabi Alonso មានតែប្រហែលមិនដល់ 5 នាក់ផង។
បន្ថែមពីនេះ Zinedine Zidane ក៏បានបដិសេធចំពោះសំនួរអំពីការវិលត្រឡប់មកជំនួស Xabi Alonso ដោយបញ្ជាក់យ៉ាងច្បាស់ថា វាមិនអាចទៅរួចឡើយ និងថាគាត់គោរពការងាររបស់គ្រូបង្វឹកវ័យក្មេងរូបនេះយ៉ាងខ្លាំង។
ការលើកឡើងរបស់ Zinedine Zidane ត្រូវបានមើលឃើញថា ជាការផ្តល់ទំនុកចិត្ត និងការគាំទ្រដ៏មានតម្លៃចំពោះ Xabi Alonso ក្នុងការបន្តស្ថាបនាក្រុម Real Madrid នៅអនាគត ទោះបីជាកំពុងប្រឈមនឹងបញ្ហាកម្លាំងក្រុម និងសម្ពាធខ្លាំងពីអ្នកគាំទ្រក៏ដោយ។
