អនាគតរបស់ Xabi Alonso នៅ Real Madrid កំពុងស្ថិតក្នុងហានិភ័យខ្ពស់ ខណៈការប្រកួតទល់នឹង Alavés ត្រូវបានចាត់ទុកថាជាការប្រកួតសម្រេចវាសនារបស់គាត់។
អត្ថបទសរសេរដោយ Dany • 89 views
អនាគតរបស់លោក Xabi Alonso ក្នុងតួនាទីជាគ្រូបង្វឹក Real Madrid កំពុងស្ថិតក្នុងស្ថានភាពមិនច្បាស់លាស់ បន្ទាប់ពីមានសេចក្តីរាយការណ៍ថា ប្រសិនបើក្រុម “រាជវង្សស” មិនអាចយកឈ្នះលើ Alavés ក្នុងការប្រកួតនៅរាត្រីថ្ងៃច័ន្ទ ទី 15 ខែធ្នូ ឆ្នាំ 2026 ខាងមុខនេះបានទេ លោកអាចនឹងត្រូវក្លិបបណ្តេញចេញពីតួនាទីគ្រូបង្វឹកភ្លាមៗ។
យោងតាមសារព័ត៌មាន Diario AS, Real Madrid ក្រោមការដឹកនាំរបស់គ្រូបង្វឹកសញ្ជាតិអេស្ប៉ាញវ័យ 44 ឆ្នាំ រូបនេះ មិនទាន់អាចបង្ហាញលទ្ធផលគាប់ចិត្តបាននៅរយៈពេលចុងក្រោយនេះ។ ក្នុង 8 ប្រកួតចុងក្រោយ, ក្រុមបានត្រឹម ស្មើ 2 ដង, ឈ្នះ 3 ដង និង ចាញ់ 3 ដង, ដែលធ្វើឱ្យសម្ពាធពីអ្នកគាំទ្រ និងអ្នកដឹកនាំក្លិបកាន់តែខ្លាំងឡើង។
ការប្រកួតទល់នឹង Alavés ត្រូវបានមើលឃើញថាជាការប្រកួតសម្រេចវាសនាសម្រាប់ Xabi Alonso, ខណៈដែលលទ្ធផលនៃការប្រកួតនេះអាចកំណត់អនាគតរបស់គាត់ជាមួយក្លិបធំបំផុតមួយក្នុងពិភពបាល់ទាត់។
