ចំណាត់ថ្នាក់ក្រុមដែលគួរឲ្យបារម្ភក្នុងព្រឹត្តិការណ៍ World Cup ឆ្នាំ ២០២៦
អត្ថបទសរសេរដោយ Bonat • 86 views
ទោះបីជា World Cup ឆ្នាំ ២០២៦ ត្រូវបានពង្រីកក៏ដោយ ក៏មានក្រុមខ្លាំងៗមួយចំនួនដែលបង្ហាញពីភាព គួរឲ្យព្រួយបារម្ភ ដោយសារ កង្វះកីឡាករល្អ ឬ អាយុច្រើន។
-
ក្រុមប្រេស៊ីល (Brazil): ក្រោមការដឹកនាំរបស់លោក Carlo Ancelotti រយៈពេល ៦ ខែ ក្រុមមិនទាន់បង្ហាញទម្រង់លេងគួរឱ្យជឿជាក់ទេ។ ទិន្នន័យបង្ហាញថា ក្រុមឈ្នះ ៣ ស្មើ ១ ចាញ់ ១ ដោយរកបានត្រឹម ៩ គ្រាប់ និងរបូត ១ គ្រាប់។ កីឡាករដូចជា Vinicius Jr និង Raphinha សុទ្ធតែមាន ទម្រង់លេងធ្លាក់ចុះ។
-
ក្រុមប៊ែលហ្សិក (Belgium): ជំនាន់មាសរបស់ប៊ែលហ្សិក (Golden Generation) ដែលមាន De Bruyne, Lukaku, Hazard ជាដើម បាន កន្លងផុតទៅ ហើយ កីឡាករទាំងនោះខ្លះ ចូលនិវត្តន៍ ឬ ចាស់ជរា។ ក្រុមកំពុងស្ថិតក្នុង ដំណាក់កាលផ្លាស់ប្តូរ ជំនាន់ថ្មី។
-
ក្រុមក្រូអាត (Croatia): ក្រុមនេះ ចាស់ជរាខ្លាំងពេក។ ខ្សែបម្រើ Luka Modric (វ័យ ៤០ ឆ្នាំ) ដែលធ្លាប់ជាមេខ្លោងសំខាន់ ទំនងជាមិនអាចរក្សាសមត្ថភាពក្នុងការប្រកួតដ៏តឹងតែងបានទេ។
-
ក្រុមម៉ិកស៊ិក (Mexico): ក្រុមនេះខ្វះខាត ធនធានកីឡាករថ្មីៗ ដែលមានទេពកោសល្យ ខណៈដែលកីឡាករជើងចាស់ដូចជា Jimenez និង Lozano កំពុងអស់សមត្ថភាព។
-
ក្រុមអេហ្ស៊ីប (Egypt): ក្រុមទាំងមូល ពឹងផ្អែកខ្លាំង ពេកលើ Mohamed Salah។ ប្រសិនបើ Salah (ដែលមានទម្រង់លេងមិនសូវល្អប៉ុន្មានខែចុងក្រោយនេះ) មិនអាចរក្សាសមត្ថភាពបានទេ ក្រុមនឹងខ្វះខាត កម្លាំងវាយលុក យ៉ាងខ្លាំង។
