អតីតតារា Wayne Rooney ក្លាយជាប្រធានបទព័ត៌មានម្ដងទៀត បន្ទាប់ពីមានរបាយការណ៍ថា សកម្មភាពរបស់គាត់នៅពិធីជប់លៀងមុន Brit Awards នៅទីក្រុង Manchester បានធ្វើឲ្យភរិយា Coleen Rooney មានអារម្មណ៍មិនសប្បាយចិត្ត
អត្ថបទសរសេរដោយ Dany • 69 views
អតីតតារាបាល់ទាត់របស់ Manchester United គឺ Wayne Rooney បានក្លាយជាប្រធានបទព័ត៌មានម្ដងទៀត បន្ទាប់ពីមានរបាយការណ៍ថា គាត់កំពុងធ្វើឲ្យភរិយារបស់គាត់ Coleen មានអារម្មណ៍មិនសប្បាយចិត្ត និងខឹងចិត្ត។
តាមប្រភពព័ត៌មាន បានឲ្យដឹងថា អតីតប្រធានក្រុមជម្រើសជាតិ England រូបនេះ ត្រូវបានគេឃើញនៅក្នុងពិធីជប់លៀងមួយ មុនកម្មវិធី Brit Awards នៅទីក្រុង Manchester។ គាត់បានស្នាក់នៅផឹកស្រារហូតដល់ពេលយប់ជ្រៅ ហើយត្រូវបានឃើញនៅជាមួយនារីពីរនាក់ដែលមិនស្គាល់អត្តសញ្ញាណ។
សកម្មភាពនេះបានធ្វើឲ្យមិត្តភក្តិ និងសមាជិកគ្រួសាររបស់ Coleen មានអារម្មណ៍ថា “ភាពអត់ធ្មត់កំពុងតែអស់ទៅបន្តិចម្តងៗ”។ ពួកគេជឿថា អាកប្បកិរិយាបែបនេះកំពុងធ្វើឲ្យទំនាក់ទំនងរវាង Rooney និងភរិយារបស់គាត់មានភាពតានតឹងកាន់តែខ្លាំង។
