វីរបុរសក្រៅទីលានរបស់ Senegal ក្នុងវគ្គផ្តាច់ព្រ័ត្រ AFCON គឺ Yehvann Diouf បានទទួលខុសត្រូវការពារកន្សែងរបស់អ្នកចាំទីលេខ១ Edouard Mendy ដែលជាផ្នែកសំខាន់មួយសម្រាប់ការរៀបចំ និងការផ្តោតអារម្មណ៍មុនពេលស៊ុតបាល់ប៉េណាល់ទី
អត្ថបទសរសេរដោយ Dany • 80 views
ទោះបីមិនបានចូលលេងសូម្បីតែ ១ នាទីក្នុងព្រឹត្តិការណ៍ AFCON ឆ្នាំនេះក៏ដោយ ប៉ុន្តែអ្នកចាំទីលេខ២របស់ Senegal គឺ Yehvann Diouf បានក្លាយជាតួអង្គសំខាន់មួយយ៉ាងគួរឱ្យចាប់អារម្មណ៍ នៅក្នុងវគ្គផ្តាច់ព្រ័ត្រទល់នឹង Morocco។
ក្នុងអំឡុងពេលប្រកួត 120 នាទីដ៏តានតឹង Yehvann Diouf បានទទួលខុសត្រូវការពារកន្សែងរបស់អ្នកចាំទីលេខ១ Edouard Mendy ដែលជាផ្នែកសំខាន់មួយសម្រាប់ការរៀបចំ និងការផ្តោតអារម្មណ៍មុនពេលស៊ុតបាល់ប៉េណាល់ទី។ គាត់ត្រូវប្រឈមមុខជាមួយការរំខានពី ball boys មន្ត្រីបច្ចេកទេស និងកីឡាករ Morocco ជាបន្តបន្ទាប់ ដោយបន្តរក្សាតួនាទីរបស់ខ្លួនដោយភាពអត់ធ្មត់ និងការប្តេជ្ញាចិត្តខ្ពស់។
សកម្មភាពរបស់ Yehvann Diouf មិនត្រឹមតែបង្ហាញពីវិន័យ និងស្មារតីក្រុមប៉ុណ្ណោះទេ ប៉ុន្តែថែមទាំងបញ្ជាក់ថា ការឈ្នះពានមួយ មិនអាស្រ័យតែអ្នកនៅលើទីលានប៉ុណ្ណោះឡើយ។ កីឡាករនៅខាងក្រោយឆាក ក៏មានតួនាទីសំខាន់ដូចគ្នា ក្នុងការជួយឲ្យក្រុមរក្សាភាពរឹងមាំ និងការផ្តោតអារម្មណ៍។
បើទោះបីគ្មានស្ថិតិការចូលលេងក៏ដោយ Yehvann Diouf ត្រូវបានអ្នកគាំទ្រចាត់ទុកថាជា “វីរបុរសក្រៅទីលាន” របស់ Senegal ក្នុងវគ្គផ្តាច់ព្រ័ត្រ AFCON ដែលពោរពេញដោយភាពតានតឹង និងភាពចម្រូងចម្រាសនេះ។
