Scott McTominay និង Rasmus Højlund ចាកចេញពី Man United មកសម្រេចជោគជ័យជាមួយ Napoli
អត្ថបទសរសេរដោយ Dany • 93 views
បន្ទាប់ពីចាកចេញពីក្លិប Manchester United ខ្សែបម្រើ Scott McTominay និងខ្សែប្រយុទ្ធ Rasmus Højlund បានបើកទំព័រថ្មីមួយក្នុងអាជីពរបស់ខ្លួនជាមួយ Napoli ហើយជោគជ័យបានមកដល់យ៉ាងឆាប់រហ័សជាមួយការលើកពាន Italian Supercup។
Napoli បានត្រលប់មកកាន់កំពូលវិញ ដោយបញ្ចប់ការរង់ចាំអស់រយៈពេល 11 ឆ្នាំ ក្នុងការលើកពាននេះ ក្រោយយកឈ្នះលើ Bologna ក្នុងលទ្ធផល 2-0 នៅវគ្គផ្តាច់ព្រ័ត្រយប់មិញ។ ជ័យជម្នះនេះ បានបង្កើតបរិយាកាសអំណរ និងមោទនភាពយ៉ាងខ្លាំងសម្រាប់អ្នកគាំទ្រ Napoli ទូទាំងប្រទេសអ៊ីតាលី។
ការរួមចំណែករបស់ McTominay និង Højlund ត្រូវបានគេឃើញយ៉ាងច្បាស់ក្នុងការប្រកួតសំខាន់ៗ ដោយអ្នកទាំងពីរ បាននាំមកនូវបទពិសោធន៍ពី Premier League កម្លាំងរាងកាយ និងភាពស៊ាំ ស៊ូក្នុងការប្រកួត ដែលជួយឲ្យ Napoli មានតុល្យភាព និងភាពគ្រោះថ្នាក់ខ្លាំងនៅលើទីលាន។
សម្រាប់ Scott McTominay ការលើកពាននេះ គឺជាការបញ្ជាក់ពីតម្លៃ និងសមត្ថភាពរបស់ខ្លួន ខណៈដែល Rasmus Højlund ក៏កំពុងបន្តអភិវឌ្ឍខ្លួន និងក្លាយជាខ្សែប្រយុទ្ធសំខាន់មួយសម្រាប់អនាគតរបស់ Napoli។
ពាន Italian Supercup លើកនេះ មិនត្រឹមតែជាសមិទ្ធផលមួយប៉ុណ្ណោះទេ ប៉ុន្តែថែមទាំងជាសញ្ញានៃការត្រលប់មកវិញនៃ Napoli ក្នុងការប្រកួតប្រជែងពានធំៗ នៅលើឆាកបាល់ទាត់អ៊ីតាលីជាថ្មី។
