Ronald Araujo បញ្ជាក់ថ្ងៃវិលត្រលប់មក Barcelona វិញ ក្រោយបញ្ចប់ដំណើរបុណ្យនៅអ៊ីស្រាអែល

ខ្សែការពារ Ronald Araujo បានកំណត់យកថ្ងៃទី ២៩ ខែធ្នូ ដើម្បីត្រលប់មកហ្វឹកហាត់ជាមួយក្លិប Barcelona វិញ បន្ទាប់ពីទទួលបានការអនុញ្ញាតឱ្យសម្រាកដោយមិនកំណត់ ដើម្បីព្យាបាលបញ្ហា សុខភាពផ្លូវចិត្ត។ បន្ទាប់ពីរងសម្ពាធផ្លូវចិត្តធ្ងន់ធ្ងរ និងការរិះគន់ខ្លាំងៗក្រោយបង្កកំហុសក្នុងជំនួបជាមួយ Chelsea ក្នុងពាន Champions League (រហូតដល់មានអាការៈថប់បារម្ភ) Araujo បានធ្វើដំណើរបុណ្យទៅកាន់ប្រទេស អ៊ីស្រាអែល ដើម្បីស្វែងរកសន្តិភាព និងតុល្យភាពផ្លូវចិត្តឡើងវិញ។ បច្ចុប្បន្ន Araujo មានអារម្មណ៍ប្រសើរជាងមុន និងរឹងមាំជាងមុន។ គេនឹងចំណាយពេលបុណ្យណូអែលជាមួយគ្រួសារនៅអ៊ុយរូហ្គាយ រួចត្រលប់មក Ciutat Esportiva នៅថ្ងៃទី ២៩ ធ្នូ ដើម្បីត្រៀមខ្លួនសម្រាប់ការប្រកួតដំបូងក្នុងឆ្នាំ ២០២៦។

Araujo មានបំណងចង់វិលត្រលប់មកកាន់ទីលានវិញក្នុងជំនួប Derby ទល់នឹង Espanyol នៅថ្ងៃទី ៣ ខែមករា។ ប្រធានក្លិបលោក Joan Laporta និងគ្រូបង្វឹកលោក Hansi Flick បានផ្តល់ការគាំទ្រយ៉ាងពេញទំហឹងដល់ Araujo ដោយសង្កត់ធ្ងន់ថា "តម្លៃនៃមនុស្ស សំខាន់ជាងបាល់ទាត់" ហើយពួកគេនឹងតាមដានការចូលរួមរបស់គេឡើងវិញដោយយកចិត្តទុកដាក់បំផុត។