ការវាយតម្លៃកីឡាករ Real Madrid ប៉ះ Alavés៖ Kylian Mbappe និង Vinicius Jr បានធ្វើឲ្យសម្លេងរិះគន់ពីអ្នកគាំទ្របានស្ងប់ស្ងាត់នៅ Bernabéu
អត្ថបទសរសេរដោយ Dany • 47 views
ក្រុម Real Madrid បានត្រលប់មករកជ័យជម្នះវិញ បន្ទាប់ពីស្ថិតក្នុងស្ថានភាពមិនឈ្នះ 4 ប្រកួតជាប់គ្នា ដោយយកឈ្នះ Alavés ក្នុងលទ្ធផល 2-1 នៅថ្ងៃអង្គារ។
គ្រាប់បាល់ពី Kylian Mbappe និង Vinicius Jr បានជួយឲ្យក្រុមរបស់ Alvaro Arbeloa កាត់បន្ថយគម្លាតពីក្រុមកំពូល Barcelona មកនៅត្រឹម 6 ពិន្ទុ យ៉ាងហោចណាស់ក្នុងរយៈពេល 24 ម៉ោង។
ទោះបីមានសម្លេងហ៊ោ និងការរិះគន់ពីអ្នកគាំទ្រនៅ Bernabéu ក៏ដោយ Real Madrid បានចាប់ផ្តើមការលេងយឺតៗ ខណៈ Alavés បង្កឱកាសគ្រោះថ្នាក់ជាច្រើន។ ប៉ុន្តែក្នុងនាទី 30 Mbappe បានបើកការស៊ុតបញ្ចូលទី ដោយបាល់ប៉ះអ្នកការពារ ប្រែទិសបញ្ចូលទី។
ក្រោយពេលនោះ Real Madrid លេងកាន់តែមានភាពរស់រវើក ហើយនៅពាក់កណ្តាលទីពីរ Vinicius Jr បានបន្ថែមគ្រាប់ទីពីរ ពីចម្ងាយប្រហែល 25 ម៉ែត្រ ធ្វើឲ្យសម្លេងរិះគន់ពីអ្នកគាំទ្របានស្ងប់ស្ងាត់ទៅវិញ។
ហើយ Alavés ព្យាយាមតស៊ូវិញ និងរកបាន 1 គ្រាប់នៅម៉ោងបន្ថែម ប៉ុន្តែនៅតែមិនអាចប្ដូរលទ្ធផលបានទេ។
ការវាយតម្លៃកីឡាករ Real Madrid
អ្នកចាំទី និងការពារ
- Andriy Lunin (6/10)៖ ការគ្រប់គ្រងបាល់មិនសូវល្អ ប៉ុន្តែមានការសង្រ្គោះបាល់ល្អៗខ្លះ
- Trent Alexander-Arnold (7/10)៖ បញ្ជូនបាល់បានល្អ និងជួយបើកចន្លោះ
- Eder Militao (7/10)៖ ការពារល្អ ប៉ុន្តែសំណាងអាក្រក់ដោយរងរបួស
- Dean Huijsen (7/10)៖ ចាប់ផ្តើមបានល្អ និងមានស្ថេរភាព
- Alvaro Carreras (5/10)៖ ការពារមិនសូវមានភាពជឿជាក់
ខ្សែបម្រើ
- Aurelien Tchouameni (8/10)៖ គ្រប់គ្រងតំបន់កណ្ដាលបានល្អ និងយកបាល់ត្រលប់បានជាញឹកញាប់
- Fede Valverde (6/10)៖ លេងបានច្រើនតួនាទី ប៉ុន្តែមិនសូវលេចធ្លោ
- Jude Bellingham (7/10)៖ បង្កើតឱកាសល្អៗ និងសហការល្អជាមួយមិត្តរួមក្រុម
- Arda Guler (6/10)៖ ការបង្ហាញមិនសូវលេចធ្លោ
ខ្សែប្រយុទ្ធ
- Kylian Mbappe (7/10)៖ មានល្បឿនលឿន និងបច្ចេកទេសល្អ បង្កការលំបាកដល់អ្នកការពារ
- Vinicius Jr (7/10)៖ បង្កគ្រោះថ្នាក់ជានិច្ច និងបញ្ចប់ទីបានល្អ
