ក្លិប Paris Saint-Germain (PSG) កំពុងពិចារណាបង្កើនកម្លាំងការពាររបស់ខ្លួន ដោយចាប់អារម្មណ៍លើតារាវ័យក្មេងមួយរូបពី Bundesliga ដែលកំពុងឡើងកម្រិតយ៉ាងលឿន
អត្ថបទសរសេរដោយ Dany • 62 views
តាមរបាយការណ៍ពី Deichstube, ក្លិប PSG បានបង្ហាញការចាប់អារម្មណ៍យ៉ាងច្បាស់លើខ្សែការពារកណ្ដាលវ័យ 18 ឆ្នាំរបស់ Werder Bremen គឺ Karim Coulibaly។ តំណាងរបស់ក្លិបបារាំងនេះ ត្រូវបានគេរាយការណ៍ថាបានទាក់ទងជាមួយកីឡាកររូបនេះរួចហើយ និងបានពិភាក្សាអំពីអនាគតរបស់គាត់។
អ្នកសង្កេតការណ៍របស់ PSG ក៏ត្រូវបានគេនិយាយថា បានទៅមើលការលេងរបស់ Coulibaly ជាច្រើនដង ហើយឈ្មោះរបស់គាត់ត្រូវបានដាក់ “right at the top” ក្នុងបញ្ជីរបស់គ្រូបង្វឹក Luis Enrique សម្រាប់រដូវកាលក្រោយ។ ទោះបីជាយ៉ាងណា មកទល់ពេលនេះ មិនទាន់មានការដាក់សំណើផ្លូវការទៅកាន់ Werder Bremen នៅឡើយទេ។
ក្នុងរដូវកាលដែលមិនសូវល្អសម្រាប់ Werder Bremen, Karim Coulibaly ក្លាយជាចំណុចវិជ្ជមានមួយ។ គាត់បានបង្ហាញខ្លួនលើកដំបូងនៅតំបន់ការពារកណ្ដាលក្រោមការដឹកនាំរបស់គ្រូបង្វឹក Horst Steffen, ហើយបន្តក្លាយជាជម្រើសដំបូងក្នុងក្រុម។
ការលេងដ៏រឹងមាំរបស់គាត់បានទាក់ទាញការចាប់អារម្មណ៍ពីក្លិបជាច្រើន ដោយមានក្រុមពី England និង Spain ក៏កំពុងតាមដានផងដែរ ជាមួយនឹង PSG។
បន្ទាប់ពីបន្តកិច្ចសន្យាកាលពីរដូវក្តៅមុន កិច្ចសន្យារបស់ Coulibaly ជាមួយ Werder Bremen មានសុពលភាពរហូតដល់ឆ្នាំ 2029 ហើយមិនមាន release clause ទេ ដែលអាចធ្វើឲ្យការផ្ទេរនេះមានតម្លៃខ្ពស់ជាង €40 million។
PSG កំពុងត្រៀមចូលទីផ្សារដើម្បីនាំយកតារាវ័យក្មេងមានសក្តានុពល ហើយ Karim Coulibaly អាចក្លាយជាការចុះហត្ថលេខាដ៏សំខាន់មួយ សម្រាប់គម្រោងអនាគតរបស់ក្រុមក្រោមការដឹកនាំរបស់ Luis Enrique។
