Ousmane Dembele និង Aitana Bonmati ឈ្នះពានរង្វាន់ FIFA The Best ឆ្នាំ ២០២៥
អត្ថបទសរសេរដោយ Bonat • 96 views
កីឡាករ Ousmane Dembele របស់ Paris Saint-Germain បានឈ្នះពានរង្វាន់ The Best FIFA Men's Player ខណៈកីឡាការិនី Aitana Bonmati របស់ Barcelona បានឈ្នះពាន The Best FIFA Women's Player ក្នុងពិធីប្រគល់ពាននៅទីក្រុង Doha ប្រទេស កាតា។ ខ្សែប្រយុទ្ធបារាំងរូបនេះបាន បន្ថែមពាន FIFA The Best ទៅលើពាន Ballon d'Or ដែលខ្លួនបានឈ្នះកាលពីដើមឆ្នាំ បន្ទាប់ពីជួយ PSG ឈ្នះ Continental Treble (រួមទាំងពាន Champions League លើកដំបូង របស់ក្លិប) និងពានសរុប ៥ ក្នុងឆ្នាំប្រតិទិនតែមួយ។
Bonmati បានឈ្នះពាន FIFA The Best ជាលើកទី ៣ ជាប់គ្នា បន្ទាប់ពីរដូវកាលដ៏អស្ចារ្យដែលនាងបានជួយ Barcelona ឈ្នះពានក្នុងស្រុក Treble និងត្រូវបានតែងតាំងជា កីឡាការិនីល្អបំផុតប្រចាំព្រឹត្តិការណ៍ Euro 2025 ជាមួយក្រុមជម្រើសជាតិ អេស្ប៉ាញ។ ពានរង្វាន់ FIFA The Best ត្រូវបានសម្រេចតាមរយៈការបោះឆ្នោតដែលរួមបញ្ចូលគ្នាពី គ្រូបង្វឹកក្រុមជម្រើសជាតិ, ប្រធានក្រុមជម្រើសជាតិ, អ្នកសារព័ត៌មាន និង អ្នកគាំទ្រ (ចំណែក ២៥% ស្មើៗគ្នា)។
