Opta ទស្សន៍ទាយ អេស្ប៉ាញ ជាម្ចាស់ពាន World Cup 2026 ខណៈ បារាំង និង អង់គ្លេស កំពុងតាមប្រកៀកប្រកិតយ៉ាងខ្លាំង
អត្ថបទសរសេរដោយ Dany • 84 views
នៅសល់ត្រឹមតែ 70 ថ្ងៃទៀតប៉ុណ្ណោះ មុនព្រឹត្តិការណ៍ FIFA World Cup 2026 ចាប់ផ្តើម ដែលលើកនេះមានក្រុមចូលរួមដល់ទៅ 48 ក្រុម ជាលើកដំបូងក្នុងប្រវត្តិសាស្ត្រ។
បន្ទាប់ពីក្រុមដែលបានឆ្លងវគ្គជម្រុះត្រូវបានប្រកាសរួច កុំព្យូទ័រពិសេសរបស់ Opta បានចេញការទស្សន៍ទាយលទ្ធផល។
យោងតាមសារព័ត៌មាន Marca កុំព្យូទ័រ Opta បានទស្សន៍ទាយថា ក្រុមជម្រើសជាតិអេស្ប៉ាញ គឺជាក្រុមដែលមានឱកាសឈ្នះពានខ្ពស់បំផុត ជាមួយភាគរយ 15.83%។
ក្រុមទីពីរដែលតាមពីក្រោយគឺ ក្រុមជម្រើសជាតិបារាំង ដែលមានឱកាស 12.77% ខណៈពួកគេចង់ឈានដល់វគ្គផ្តាច់ព្រ័ត្រជាលើកទី 3 ជាប់ៗគ្នា។
ហើយក្រុមលេខ 3 និង លេខ 4 ដូចជា ក្រុមជម្រើសជាតិអង់គ្លេស និង ក្រុមជម្រើសជាតិអាហ្សង់ទីន ដែលមានឱកាសលើស 10% ដូចគ្នា។
និងក្រុមលេខ 5 គឺ ក្រុមជម្រើសជាតិព័រទុយហ្គាល់ ដឹកនាំដោយ Cristiano Ronaldo ដែលមានឱកាស 6.92% ក្នុងការឈ្នះ World Cup ជាលើកដំបូងក្នុងប្រវត្តិសាស្ត្រ។
ខណៈដែល ក្រុមជម្រើសជាតិប្រេស៊ីល និង ក្រុមជម្រើសជាតិអាល្លឺម៉ង់ ស្ថិតនៅក្រៅ Top 5 ដោយឈរនៅលេខ 6 និង 7 តាមលំដាប់។
