ឱកាសត្រលប់មកវិញសម្រាប់ Neymar? តារារបស់ក្រុម Santos រូបនេះ មានត្រឹមពីរប្រកួតដើម្បីបញ្ចាក់សមត្ថភាព និងអាចត្រូវបានជ្រើសរើសចូលក្រុមជម្រើសជាតិ Brazil ក្រោមការដឹកនាំរបស់ Carlo Ancelotti
អត្ថបទសរសេរដោយ Dany • 69 views
ខណៈពេលដែលការប្រកួត World Cup កំពុងតែខិតជិតមកដល់ តារាបាល់ទាត់ Neymar កំពុងប្រឈមមុខនឹងពេលវេលាសំខាន់មួយក្នុងអាជីពរបស់គាត់។ កីឡាករវ័យចំណាស់រូបនេះមានប្រហែល 12 ថ្ងៃ ប៉ុណ្ណោះ ដើម្បីបង្ហាញថាគាត់មានសមត្ថភាពរាងកាយគ្រប់គ្រាន់សម្រាប់ត្រលប់ចូលក្រុមជម្រើសជាតិ Brazil វិញដែលឬទេ ក្រោមការដឹកនាំរបស់គ្រូបង្វឹកថ្មី Carlo Ancelotti។
បន្ទាប់ពីក្លិប Santos ត្រូវបានបញ្ចប់ដំណើរក្នុងការប្រកួតជើងឯកតំបន់ មុនពេលរំពឹងទុក កីឡាករវ័យចំណាស់រូបនេះនៅសល់ត្រឹមតែពីរប្រកួតប៉ុណ្ណោះ ដើម្បីបង្ហាញសមត្ថភាព និងសុខភាពរាងកាយរបស់គាត់។ ពេលវេលានេះត្រូវបានគេចាត់ទុកថាសំខាន់ណាស់ ព្រោះគាត់ត្រូវតែបង្ហាញថាអាចលេងបានដោយគ្មានបញ្ហារបួសបន្តទៀត។
ក្នុងពេលដូចគ្នា ការរងរបួសរបស់ Rodrygo និងការព្រួយបារម្ភអំពីស្ថានភាពរបស់ Estevao បានបង្កើតឱកាសថ្មីមួយសម្រាប់ Neymar។ បញ្ហាទាំងនេះអាចធ្វើឱ្យគ្រូបង្វឹក Carlo Ancelotti ពិចារណាផ្តល់ឱកាសឱ្យតារាឆ្នើមរូបនេះ ត្រលប់ចូលក្រុមជម្រើសជាតិម្តងទៀត។
ប្រសិនបើ Neymar អាចបង្ហាញទម្រង់លេងល្អក្នុងពីរប្រកួតខាងមុខ នោះវាអាចក្លាយជាចំណុចសំខាន់មួយក្នុងការបញ្ចប់ការខ្វះវត្តមានរបស់គាត់នៅក្រុមជម្រើសជាតិ។ អ្នកគាំទ្របាល់ទាត់ជាច្រើនក៏កំពុងរង់ចាំមើលថា តើតារាឆ្នើមរបស់ Brazil រូបនេះអាចត្រលប់មកវិញ និងលេងក្រោមការដឹកនាំរបស់ Carlo Ancelotti ជាលើកដំបូងបានឬអត់។
