Mohamed Salah វិលត្រលប់ចូលក្រុម Liverpool វិញ ក្រោយជម្លោះជាមួយគ្រូបង្វឹក Arne Slot
អត្ថបទសរសេរដោយ Bonat • 90 views
កីឡាករ Mohamed Salah ត្រូវបានលោក Arne Slot គ្រូបង្វឹកក្រុម Liverpool កោះហៅ ឱ្យវិលត្រលប់ចូលក្រុមបម្រុងវិញ សម្រាប់ជំនួប Premier League ទល់នឹង Brighton នៅកីឡដ្ឋាន Anfield បន្ទាប់ពីរូបគេត្រូវបាន ទម្លាក់ចេញ ពីក្រុម Champions League កាលពីពាក់កណ្តាលសប្តាហ៍ ក្រោយពីមាន ការរិះគន់ ចំពោះក្លិប និងគ្រូបង្វឹក។ Salah បានវិលត្រលប់មកវិញជាលើកដំបូង បន្ទាប់ពីលោកបានអះអាងថា ក្លិបបាន "បោះបង់ចោល" (thrown under the bus) រូបគេ។ Salah ត្រូវបានបញ្ចូលក្នុងទីលាន ភ្លាមៗ តាំងពីតង់ទីមួយ ជំនួសខ្សែការពារ Joe Gomez ដែលរងរបួស ហើយទទួលបាន ការស្វាគមន៍យ៉ាងកក់ក្តៅ ពីអ្នកគាំទ្រ Anfield។
ស្ថានភាពរបស់ Salah នៅក្លិប មិនទាន់ច្បាស់លាស់ នៅឡើយទេ បើទោះបីជាលោក Slot អះអាងថា លោក "គ្មានហេតុផលមិនចង់ឱ្យគាត់ស្នាក់នៅ" ក៏ដោយ។ ក្លិប Saudi Pro League នៅតែបន្តចាប់អារម្មណ៍ខ្លាំងលើរូបគេ។ ការប្រកួតទល់នឹង Brighton គឺជាការប្រកួត ចុងក្រោយ របស់ Salah មុនពេលរូបគេត្រូវទៅចូលរួមប្រកួតពាន Africa Cup of Nations (AFCON) ឆ្នាំ ២០២៥ ជាមួយក្រុមជម្រើសជាតិ អេហ្ស៊ីប។ ក្នុងអំឡុងពេលអវត្តមាននេះ ភ្នាក់ងាររបស់លោកនឹង ចរចា អំពីអនាគតរបស់លោកជាមួយ Liverpool។
