Michael Carrick អាចមានឥទ្ធិពលធ្វើឱ្យ Marcus Rashford ត្រឡប់ទៅ Manchester United វិញ បន្ទាប់ពីខ្ចីជើងទៅ Barcelona

Manchester United ត្រូវបានប្រាប់ថា Michael Carrick អាចមានឥទ្ធិពលធ្វើឱ្យ Marcus Rashford ត្រឡប់មកកាន់ Old Trafford វិញ។ ការអះអាងនេះការលើកឡើងរបស់ Rod Thornley អតីតបុគ្គលិកក្រុមជម្រើសជាតិអង់គ្លេស និងក្លឹប Manchester United ដែលជាអ្នកម៉ាស្សាកីឡាករជាច្រើនឆ្នាំ ដែលជឿជាក់ថា Rashford អាចនឹងត្រឡប់មក Manchester នៅចុងរដូវកាល។

បច្ចុប្បន្ន Rashford កំពុងលេងជាកីឡាករខ្ចីជើងនៅក្លឹប FC Barcelona ហើយបានបង្ហាញទម្រង់លេងល្អក្នុងការប្រកួត La Liga ជាមួយក្លឹបយក្សកាតាឡាន។ ទោះជាយ៉ាងណា មានមតិយោបល់ថា Old Trafford នៅតែជា “ក្លឹបរបស់គាត់” ហើយការមកដឹកនាំដោយ Carrick អាចជាចំណុចសំខាន់ក្នុងការបញ្ចុះបញ្ចូលឲ្យគាត់វិលត្រឡប់។

Michael Carrick ដែលជាអតីតខ្សែបម្រើរបស់ Manchester United មានទំនាក់ទំនងល្អជាមួយ Rashford ហើយយល់ច្បាស់អំពីវប្បធម៌ក្លឹប។ ប្រសិនបើគាត់ទទួលបានតួនាទីដឹកនាំពេញលេញ វាអាចជាគន្លឹះធ្វើឲ្យ Marcus Rashford ពិចារណាការត្រឡប់មកវិញ។

សម្រាប់អ្នកគាំទ្រ Manchester United ព័ត៌មាននេះអាចបង្កើនក្តីសង្ឃឹមថា តារាវ័យក្មេងរបស់ពួកគេ អាចត្រឡប់មកជួយក្រុមវិញក្នុងពេលឆាប់ៗនេះ។