ខ្សែការពារ Manuel Akanji ទំនងជាអវត្តមានពីជំនួប Champions League ទល់នឹង Liverpool
អត្ថបទសរសេរដោយ Bonat • 89 views
លោក Cristian Chivu គ្រូបង្វឹកក្រុម Inter Milan កំពុងប្រឈមមុខនឹង វិបត្តិការពារដ៏ធ្ងន់ធ្ងរ មុនជំនួបដ៏សំខាន់ទល់នឹង Liverpool ក្នុងក្របខ័ណ្ឌ Champions League ដោយសារតែខ្សែការពារសំខាន់ដែលខ្ចីជើងពី Man City កីឡាករ Manuel Akanji ត្រូវបានរាយការណ៍ថា អវត្តមាន ពីការហ្វឹកហាត់ចុងក្រោយកាលពីថ្ងៃចន្ទ ដោយសារ រោគសញ្ញាដូចគ្រុនផ្តាសាយ។ ការអវត្តមានរបស់ Akanji នឹងធ្វើឱ្យតំបន់ការពាររបស់ Inter ជួបភាព ផុយស្រួយ យ៉ាងខ្លាំងក្នុងការទប់ទល់នឹងការវាយលុកដ៏រហ័សរបស់ក្រុម Liverpool (ដែលមាន Alexander Isak និង Florian Wirtz ជាដើម)។
លោក Chivu អាចនឹងត្រូវជ្រើសរើសយកកីឡាករជើងចាស់ Stefan de Vrij (ដែលខ្វះល្បឿនក្នុងការតាមទាន់) ឬយុវជនគ្មានបទពិសោធន៍ Yann Aurel Bisseck មកជំនួស។ Akanji គឺជាកីឡាករដែលពូកែក្នុងការគ្រប់គ្រងស្ថានភាព មួយទល់នឹងមួយ។ ការបាត់បង់រូបគេអាចបណ្តាលឱ្យ Inter ត្រូវ ការពារ និងអនុញ្ញាតឱ្យ Liverpool គ្រប់គ្រងបាល់ ទោះបីជា Liverpool កំពុងមានទម្រង់លេងមិនល្អនាពេលថ្មីៗនេះក៏ដោយ។
