Manchester City បញ្ចប់ការទិញយក Antoine Semenyo ពី Bournemouth

ក្លឹប Manchester City បានប្រកាសជាផ្លូវការអំពី ការបញ្ចប់ការទិញយក ខ្សែប្រយុទ្ធសញ្ជាតិហ្គាណា Antoine Semenyo ពីក្លឹប Bournemouth បន្ទាប់ពី ឯកសារទាំងអស់ត្រូវបានដោះដូរ និងបិទបញ្ចប់រួចរាល់ រវាងភាគីទាំងពីរ។

ការទិញយកនេះ ត្រូវបានចាត់ទុកថាជា ជំហានសំខាន់ សម្រាប់ក្រុម ( មេឃខៀវ ) Manchester City ក្នុងការពង្រឹង កម្លាំងតំបន់ប្រយុទ្ធ ខណៈក្រុមកំពុងរៀបចំសម្រាប់ រដូវកាលបន្ទាប់ នៅក្នុង Premier League និងការប្រកួតអឺរ៉ុប។

យោងតាមប្រភពជិតស្និទ្ធបានឲ្យដឹងថា Antoine Semenyo ត្រូវបាន ទិញយក ក្នុងតម្លៃប្រមាណ ៦៥ លានផោន ហើយនឹង ចុះកិច្ចសន្យារយៈពេលវែង ជាមួយ Manchester City បន្ទាប់ពីបញ្ចប់ ការធ្វើតេស្តសុខភាព។

ក្លឹបជឿជាក់ថា សមត្ថភាពរាងកាយ, ល្បឿន, និង ភាពបត់បែនក្នុងការលេង របស់ Semenyo អាចសម្របខ្លួនបានយ៉ាងល្អជាមួយ របៀបលេងល្បឿនលឿន របស់ក្រុម ក្រោមការដឹកនាំរបស់ លោក Pep Guardiola ដែលត្រូវបានគេស្គាល់ថាជា គ្រូបង្វឹកឆ្នើមមួយរូបក្នុងពិភពបាល់ទាត់។

ជាសរុប ការមកដល់របស់ Antoine Semenyo ត្រូវបានរំពឹងថា នឹងផ្តល់ ជម្រើសថ្មី, គុណភាពបន្ថែម, និង ការប្រកួតប្រជែងខ្ពស់ នៅតំបន់ប្រយុទ្ធ សម្រាប់ Manchester City ក្នុងការតាមរក ជោគជ័យថ្មីៗ នៅរដូវកាលខាងមុខ។