Liverpool player ratings vs Newcastle៖ ការបង្ហាញខ្លួនដ៏អស្ចារ្យរបស់ Hugo Ekitike និង Florian Wirtz
អត្ថបទសរសេរដោយ Dany • 86 views
ការប្រកួតនៅ Anfield បានក្លាយជាវេទិកាដ៏លេចធ្លោ សម្រាប់ Hugo Ekitike និង Florian Wirtz ខណៈ កីឡាករចុះហត្ថលេខាថ្មីរដូវក្តៅ ទាំងពីរ បានដឹកនាំ Liverpool ឲ្យត្រលប់មកយក ជ័យជម្នះដ៏សមរម្យ 4-1 លើ Newcastle United ក្រោមការដឹកនាំរបស់ Arne Slot។
នៅពេល Newcastle United ឡើងនាំមុខ ក្រុមភ្ញៀវមើលទៅមាន ភាពជឿជាក់ និងការគ្រប់គ្រងការប្រកួត ល្អជាង។ ទោះជាយ៉ាងណា Hugo Ekitike បានឈានមុខយកការប្រកួត ដោយភាពក្លាហាន និងបង្ហាញ ស្មារតីអ្នកដឹកនាំលើទីលាន ដោយស៊ុតបាន ពីរគ្រាប់ជាប់ៗគ្នា ដើម្បីបម្លែងទិសដៅការប្រកួត។
ក្នុងវគ្គទីមួយ Newcastle United បានបង្ក សម្ពាធយ៉ាងខ្លាំង លើ Liverpool ដោយគ្រប់គ្រងបាល់ និងវាយលុកជាបន្តបន្ទាប់ទៅលើទី Alisson Becker។ បន្ទាត់ប្រយុទ្ធដែលមាន Harvey Barnes, Anthony Elanga និង Anthony Gordon បានបង្ក បញ្ហាជាច្រើន សម្រាប់ខ្សែការពារ Reds ហើយ Anthony Gordon ដែលលេងជាតួនាទីលេខ 9 បណ្ដោះអាសន្ន បានទាញយក ឱកាសសំខាន់ មួយ ពេលទទួលបានបាល់ពីការប៉ះទង្គិចរបស់ Alexis Mac Allister មុននឹងឆ្លងកាត់ Milos Kerkez និងស៊ុតបញ្ចូលទីឆ្លងផុត Alisson Becker នៅនាទី 36។
ប៉ុន្តែគ្រាប់បាល់នោះ បានក្លាយជា ការដាស់អារម្មណ៍ដ៏ធំ សម្រាប់ទាំងអ្នកគាំទ្រ និងកីឡាករ Liverpool។ ប្រាំនាទីបន្ទាប់ Florian Wirtz បានបង្ហាញ បច្ចេកទេស និងភាពច្នៃប្រឌិត ដោយរាំចូលចេញពីការប៉ះទង្គិច មុននឹងឈានដល់បន្ទាត់ចុងក្រោយ និងបញ្ជូនបាល់ត្រឡប់ឲ្យ Hugo Ekitike ស៊ុតបញ្ចូលទីនៅជ្រុងជិត។
មិនទាន់បានដកដង្ហើមស្រួលទេ Hugo Ekitike បានបន្ថែមគ្រាប់ទីពីរ ដោយបង្ហាញ ល្បឿន និងភាពមុតមាំខ្ពស់ ឆ្លងកាត់ Malick Thiaw និងស៊ុតដោយផ្នែកខាងក្រៅជើងស្តាំ បញ្ជូនបាល់ឆ្លងផុត Nick Pope ចូលទៅជ្រុងក្រោមខាងស្តាំ។
នៅវគ្គទីពីរ Newcastle United ព្យាយាមតបស្នងវិញដោយ ស្មារតីតស៊ូ, ប៉ុន្តែ ខ្សែការពាររឹងមាំ របស់ Liverpool បានទប់ទល់បានយ៉ាងល្អ។ មូលដ្ឋានការពារដែលមានស្ថិរភាពនេះ បានអនុញ្ញាតឲ្យម្ចាស់ផ្ទះបង្កើត ការវាយតបរហ័សជាបន្តបន្ទាប់ ដោយមាន សម្លេងគាំទ្រពី Anfield ជំរុញពីក្រោយ។
នៅនាទី 67 Florian Wirtz បានដឹកនាំការវាយលុកមួយ មុននឹងបញ្ជូនឲ្យ Mohamed Salah ហើយទទួលបាល់ត្រឡប់វិញ ដើម្បីស៊ុតបញ្ចូលទីពីជាយប្រអប់ ពង្រឹង ជ័យជម្នះដ៏ច្បាស់លាស់ សម្រាប់ Liverpool។ ចុងបញ្ចប់ Ibrahima Konate ដែលបង្ហាញ វត្តមានរឹងមាំខ្លាំងនៅតំបន់ការពារ បានបន្ថែមគ្រាប់ទីបួន ដើម្បីបិទការប្រកួតយ៉ាងល្អឥតខ្ចោះ។
ជ័យជម្នះនេះ បញ្ជាក់ថា ការវិនិយោគលើកីឡាករថ្មី របស់ Liverpool កំពុងផ្តល់ លទ្ធផលជាក់ស្តែង ហើយ Hugo Ekitike និង Florian Wirtz កំពុងក្លាយជា កម្លាំងស្នូលដ៏សំខាន់ សម្រាប់អនាគតរបស់ក្រុមក្រោមការដឹកនាំរបស់ Arne Slot។
