Liverpool រំលឹកគោរពវិញ្ញាណក្ខន្ធ Diogo Jota ក្នុងថ្ងៃខួបកំណើតអាយុ ២៩ ឆ្នាំ
អត្ថបទសរសេរដោយ Dany • 105 views
Liverpool បានបន្តបង្ហាញការគោរពដ៏រំជួលចិត្ត ចំពោះតារាឆ្នើម Diogo Jota ក្នុងឱកាសថ្ងៃខួបកំណើតអាយុ ២៩ ឆ្នាំរបស់ កីឡាករព័រទុយហ្គាល់ រូបនេះ។ Diogo Jota បានទទួលមរណភាពដោយសោកនាដកម្ម ជាមួយបងប្រុសរបស់គាត់ឈ្មោះ Andre Silva កាលពី ថ្ងៃទី 3 ខែកក្កដា ក្នុងគ្រោះថ្នាក់ចរាចរណ៍ ខណៈដែលគាត់កំពុងធ្វើដំណើរត្រឡប់ទៅចក្រភពអង់គ្លេសសម្រាប់ការហ្វឹកហាត់មុន បើករដូវកាលថ្មី។
ដំណឹងអំពីការទទួលមរណភាពរបស់គាត់ បានធ្វើឲ្យពិភពកីឡា ភ្ញាក់ផ្អើលយ៉ាងខ្លាំង និងបាន ចូលរួមទទួលរំលែកទុក្ខ យ៉ាងកក់ក្តៅពីគ្រប់ជ្រុងជ្រោយរបស់ពិភពលោក។ ការរំលឹកមួយនៅតែមាននៅក្រៅកីឡដ្ឋាន Anfield ដោយអ្នកគាំទ្រ ខណៈពេលដែលអ្នកគាំទ្រ Liverpool បន្តការគោរពវីរៈបុរសរបស់ពួកគេដោយការច្រៀងបទចម្រៀងរបស់គាត់នៅនាទីទី 20 នៃរាល់ការប្រកួតក្នុងផ្ទះ។
