Leicester City សុំទោសបុគ្គលិកចំពោះការយឺតយ៉ាវនៃប្រាក់បៀវត្សរ៍ក្នុងឱកាសបុណ្យណូអែល
អត្ថបទសរសេរដោយ Bonat • 86 views
ក្លិប Leicester City បានចេញមុខសុំទោសជាផ្លូវការចំពោះបុគ្គលិកទាំងអស់ បន្ទាប់ពីបានសម្រេចចិត្តលុបចោលប្រពៃណីចាស់ ដោយពន្យារពេលបើកប្រាក់ខែប្រចាំខែធ្នូ រហូតដល់ ក្រោយថ្ងៃបុណ្យណូអែល។ ជាទូទៅ ក្លិបតែងតែបើកប្រាក់ខែឱ្យបុគ្គលិក កីឡាករ និងអ្នកគ្រប់គ្រងមុនថ្ងៃបុណ្យណូអែល ដើម្បីជួយសម្រួលដល់ការចំណាយក្នុងឱកាសបុណ្យទាន។ ប៉ុន្តែឆ្នាំនេះ តាមរយៈអ៊ីមែលពីនាយកគ្រប់គ្រងបណ្តោះអាសន្ន លោកស្រី កមលទិព្វ នេត្រថ្នមស័ក្តិ បានបញ្ជាក់ថា ប្រាក់ខែនឹងត្រូវបើកនៅថ្ងៃទី ៣១ ខែធ្នូ វិញ។ ក្លិបអះអាងថា ស្ថានភាពហិរញ្ញវត្ថុនៅតែរឹងមាំ និងមានស្ថិរភាព ប៉ុន្តែការផ្លាស់ប្តូរនេះបានធ្វើឱ្យបុគ្គលិកជាច្រើនមិនសប្បាយចិត្ត ដោយសារការជូនដំណឹងធ្វើឡើងនៅកៀកថ្ងៃបុណ្យពេក ធ្វើឱ្យពួកគេពិបាករៀបចំផែនការចំណាយ។
បន្ទាប់ពីធ្លាក់ចេញពី Premier League ក្នុងឆ្នាំ ២០២៣ និងបានឡើងមកវិញតែមួយរដូវកាល ក្លិបបានធ្លាក់មកលេងនៅ Championship សារជាថ្មី។ Leicester កំពុងរង់ចាំលទ្ធផលនៃការស៊ើបអង្កេតលើការបំពានច្បាប់ហិរញ្ញវត្ថុ ដែលអាចប្រឈមនឹងការ ដក ៦ ទៅ ៩ ពិន្ទុ។ ក្រោមកិច្ចដឹកនាំរបស់លោក Marti Cifuentes ក្រុមចាប់ផ្តើមមានសង្ឃឹមឡើងវិញ ដោយឈរនៅលេខ ៨ ក្នុងតារាង Championship។ ស្របពេលដែលក្លិបចាស់កំពុងមានបញ្ហា Jamie Vardy (វ័យ ៣៨ ឆ្នាំ) ដែលបានផ្ទេរទៅក្លិប Cremonese កាលពីរដូវក្តៅមុន បានក្លាយជា ជនជាតិអង់គ្លេសដំបូងគេ ដែលឈ្នះពានរង្វាន់ កីឡាករឆ្នើមប្រចាំខែ (Player of the Month) ក្នុងលីគ Serie A កាលពីខែវិច្ឆិកា។ ទម្រង់លេងដ៏អស្ចារ្យនេះ អាចនឹងធ្វើឱ្យរូបគេទទួលបានការបន្តកិច្ចសន្យារហូតដល់ឆ្នាំ ២០២៦។
