ភាពអស្ចារ្យរបស់ Lamine Yamal នៅតែបង្ហាញភាពលេចធ្លោ ប៉ុន្តែនៅតែមិនអាចជួយអោយ Barcelona យកជ័យជម្នះបានកាលពីយប់មិញ
អត្ថបទសរសេរដោយ Dany • 85 views
ការប្រកួតរវាង Barcelona និង Real Sociedad នៅកីឡដ្ឋាន Anoeta យប់ថ្ងៃអាទិត្យ បានបញ្ចប់ដោយលទ្ធផលដ៏គួរឱ្យភ្ញាក់ផ្អើល បន្ទាប់ពីក្រុម Barcelona រងបរាជ័យ 2-1 ជាមួយ Real Sociedad ដែលធ្វើឲ្យការប្រកួតដណ្ដើមពានកាន់តែតានតឹងឡើងវិញ។
ទោះបីបរាជ័យក៏ដោយ Lamine Yamal នៅតែជាកីឡាករដែលលេចធ្លោជាងគេក្នុងក្រុម Barcelona។ តារាវ័យក្មេងរូបនេះបង្ហាញទម្រង់លេងដ៏អស្ចារ្យនៅខ្សែស្តាំ បង្កើតឱកាសវាយប្រហារជាបន្តបន្ទាប់ ប៉ុន្តែមិនអាចជួយបំផុសជ័យជម្នះឲ្យក្រុមបានឡើយ។ ក្រោយការបរាជ័យនេះ ក្រុមរបស់ Hansi Flick នៅសល់ត្រឹមតែ ១ ពិន្ទុប៉ុណ្ណោះ នៅលើក្រុមគូប្រជែង Real Madrid។
Real Sociedad ស្ទើរតែទទួលបានគ្រាប់បាល់នៅវិនាទី 30 ដំបូង ប៉ុន្តែការស៊ុតរបស់ Carlos Soler ត្រូវបានបដិសេធដោយសារតែ Offside។ Barcelona បានឆ្លើយតបយ៉ាងឆាប់រហ័ស ប៉ុន្តែគ្រាប់បាល់របស់ Fermin Lopez ត្រូវបានលុបចោល បន្ទាប់ពី VAR ពិនិត្យឃើញថា Dani Olmo បានធ្វើកំហុសលើ Takefusa Kubo មុនពេលបង្កើតឱកាស។
បន្ទាប់មក Frenkie de Jong និង Lamine Yamal ក៏ត្រូវបានលុបគ្រាប់បាល់ដោយសារ Offside ដូចគ្នា មុនពេល Mikel Oyarzabal ស៊ុតបញ្ចូលទីឲ្យម្ចាស់ផ្ទះនៅនាទី 30 ដោយបាល់ទៅផុតដៃ Joan Garcia ពីចម្ងាយ។
នៅចុងតង់ទីមួយ Barcelona គិតថាបានឱកាសល្អបំផុតដើម្បីស្មើ បន្ទាប់ពីអាជ្ញាកណ្ដាល Jesus Gil Manzano ផ្តល់បាល់ប៉េណាល់ទី ក្រោយ Igor Zubeldia ប៉ះ Yamal។ ទោះយ៉ាងណា បន្ទាប់ពីពិនិត្យ VAR ម្តងទៀត ការសម្រេចត្រូវបានប្តូរ ជាបាល់ហ្វ្រីឃីកឲ្យ Real Sociedad ព្រោះមាន Offside។
នៅដើមតង់ទីពីរ Dani Olmo ស៊ុតបាល់ប៉ះគ្រាប់បង្គោល ខណៈ Barcelona ព្យាយាមតាមស្មើ។ Hansi Flick បានបញ្ចូលកីឡាករបម្រុង រួមមាន Robert Lewandowski ដែលស្ទើរតែរកគ្រាប់បាល់បាន ប៉ុន្តែបាល់ក្បាលរបស់គាត់ត្រូវបាន Alex Remiro ទប់ និងប៉ះបង្គោល។
នៅនាទី 70 Marcus Rashford បានស៊ុតបញ្ចូលទីស្មើឲ្យ Barcelona ពីចម្ងាយជិត បន្ទាប់ពីទទួលបានបាល់ជំនួយយ៉ាងល្អពី Lamine Yamal ប៉ុន្តែជ័យជម្នះនៅតែគេចផុតពីដៃក្រុមភ្ញៀវ ក្នុងយប់ដ៏ខកចិត្តមួយសម្រាប់ក្រុមដឹកនាំតារាង។
