សង្វៀន GANZBERG Kun Khmer Tour Concert នឹងវិលត្រឡប់មកវិញនៅខេត្តតាកែវ
អត្ថបទសរសេរដោយ SK • 109 views
សង្វៀន GANZBERG Kun Khmer Tour Concert នឹងវិលត្រឡប់មកកាន់ ខេត្តតាកែវ ជាថ្មីម្តងទៀត ជាមួយកម្មវិធីប្រដាល់គុនខ្មែរដ៏អស្ចារ្យ ដែលរំពឹងថានឹងទាក់ទាញការចាប់អារម្មណ៍ពីអ្នកគាំទ្រកីឡាប្រដាល់គុនខ្មែរយ៉ាងច្រើន។ ព្រឹត្តិការណ៍នេះ នឹងនាំមកនូវបរិយាកាសរំភើប និងការប្រកួតប្រជែងដ៏មានគុណភាពក្នុងសង្វៀនគុនខ្មែរ។
ក្នុងកម្មវិធីនេះ អ្នកទស្សនានឹងមានឱកាសជួបជាមួយកីឡាករល្បីៗជាច្រើនរូប រួមមាន អេ អាំម៉ារីនភូថង, សោម វិច្ឆ័យ, សូត្រ វាសនា, សែន ចាន់រិទ្ធីស័ក្ត, រិទ្ធ វិបុល និង មាស ប៊ុនថេន ដែលនឹងឡើងសង្វៀនបង្ហាញសមត្ថភាព បច្ចេកទេស និងស្មារតីប្រយុទ្ធរបស់កីឡាករគុនខ្មែរ ដោយពោរពេញទៅដោយភាពរឹងមាំ។
កម្មវិធីប្រកួតនេះ ត្រូវបានរៀបចំឡើងក្នុងគោលបំណង បង្ហាញការដឹងគុណដល់វីរកងទ័ព និង អបអរទិវាជ័យជម្នះ ៧ មករា ខួបលើកទី ៤៧ ដែលជាព្រឹត្តិការណ៍ប្រវត្តិសាស្ត្រដ៏មានអត្ថន័យសម្រាប់ជាតិខ្មែរ។
កម្មវិធីនឹងប្រព្រឹត្តទៅនៅ
ថ្ងៃពុធ ទី០៧ ខែមករា ឆ្នាំ២០២៦
ទីតាំង៖ ដីឡូត៍ សង្កាត់រការក្រៅ ក្រុងដូនកែវ ខេត្តតាកែវ
សូមអញ្ជើញបងប្អូនអ្នកគាំទ្រកីឡាប្រដាល់គុនខ្មែរ មកចូលរួមទស្សនាការប្រកួត និងគាំទ្រកីឡាករខ្មែរ ក្នុងព្រឹត្តិការណ៍ដ៏សំខាន់នេះ ដើម្បីរួមចំណែកលើកស្ទួយកីឡាប្រពៃណីជាតិ និងបង្កើតបរិយាកាសកក្រើកក្នុងសង្វៀនគុនខ្មែរ។
