គូប្រកួតដ៏រំភើប បានចេញជារូបរាង សម្រាប់អ្នកស្នេហាវិស័យគុនខ្មែរ
អត្ថបទសរសេរដោយ SK • 97 views
ព្រឹត្តិការណ៍ប្រដាល់គុនខ្មែរ ដែលអ្នកគាំទ្រទន្ទឹងរង់ចាំយ៉ាងខ្លាំង បានត្រៀមខ្លួនរួចរាល់ហើយ ជាមួយគូប្រកួតដ៏គួរឱ្យរំភើប និងពេញភ្នែក សម្រាប់អ្នកស្រលាញ់វិស័យគុនខ្មែរ។
បេសកកម្មជ្រើសរើសជើងខ្លាំង ដើម្បីលើកតម្កើងក្បាច់គុនកេរ្តិ៍មរតកដូនតា ដែលនាំមកជូនដោយ ភេសជ្ជៈប៉ូវកម្លាំងដ្រាហ្គិន បានធ្វើដំណើរមកដល់ទីរួមខេត្តរតនគិរី ដែនដីភូមិភាគឥសាន្ត ដើម្បីនាំយកការប្រកួតដ៏មានគុណភាព និងស្តង់ដារខ្ពស់ មកជូនអ្នកគាំទ្រក្នុងតំបន់។
ព្រឹត្តិការណ៍នេះ នឹងប្រព្រឹត្តទៅនៅថ្ងៃសៅរ៍ ទី ០៧ ខែកុម្ភៈ ឆ្នាំ២០២៦ ចាប់ពីម៉ោង ៦:៣០ នាទីយប់តទៅ នៅទីតាំង ព្រលានយន្តហោះចាស់ ក្រុងបានលុង ខេត្តរតនគិរី។
កម្មវិធីប្រកួតនេះ ត្រូវបានរំពឹងថា នឹងបង្កើតបរិយាកាសកក្រើក និងផ្តល់បទពិសោធន៍ទស្សនាដ៏រំភើប ដល់អ្នកគាំទ្រគុនខ្មែរ ព្រមទាំងរួមចំណែកលើកស្ទួយ និងផ្សព្វផ្សាយក្បាច់គុនប្រពៃណីជាតិ ឲ្យកាន់តែរីកចម្រើននៅគ្រប់តំបន់នៃប្រទេសកម្ពុជា។
