Frank Lampard បន្តលេចធ្លោ ឈ្នះពានអ្នកចាត់ការល្អជាងគេប្រចាំខែ Championship ជាលើកទី ២ ជាប់ៗគ្នា
អត្ថបទសរសេរដោយ Dany • 87 views
លោក Frank Lampard ត្រូវបានជ្រើសរើសជាអ្នកចាត់ការល្អជាងគេប្រចាំខែ ជាលើកទី ២ ជាប់ៗគ្នា នៅក្នុងពានរង្វាន់ English Championship (លីគទី ២ អង់គ្លេស) បន្ទាប់ពីលោកបានដឹកនាំក្រុម Coventry City ឈ្នះ ៥ ប្រកួតជាប់ៗគ្នា ក្នុងអំឡុងខែវិច្ឆិកា។
ក្រោមការដឹកនាំរបស់អ្នកចាត់ការសញ្ជាតិអង់គ្លេសរូបនេះ Coventry City បានបង្ហាញទម្រង់លេងដ៏មានស្ថិរភាព និងប្រសិទ្ធភាពខ្ពស់ ទាំងផ្នែកប្រយុទ្ធ និងការពារ ដែលធ្វើឱ្យក្រុមកាន់តែទទួលបានការសរសើរពីអ្នកគាំទ្រ និងអ្នកវិភាគបាល់ទាត់។
បច្ចុប្បន្ន Coventry City កំពុងកាន់កាប់កំពូលតារាង English Championship ដោយមានពិន្ទុនាំមុខលើក្រុម Middlesbrough ចំនួន ៥ ពិន្ទុ, បង្ហាញថាក្រុមកំពុងមានឱកាសខ្ពស់ក្នុងការប្រជែងឡើងលេងលីគកំពូល Premier League នៅរដូវកាលបន្ទាប់។
ជោគជ័យនេះបញ្ជាក់ថា Frank Lampard កំពុងស្ថាបនាឈ្មោះរបស់ខ្លួនឡើងវិញក្នុងអាជីពជាអ្នកចាត់ការ និងក្លាយជាគ្រូបង្វឹកមួយរូបដែលគួរឱ្យចាប់អារម្មណ៍បំផុតនៅ Championship ក្នុងពេលបច្ចុប្បន្ន។
