FIFA ឆ្លើយតបទៅនឹងការព្រួយបារម្ភអំពីអ្នកទិញសំបុត្រ World Cup មួយចំនួនដោយសារបានបង្ហាញការមិនពេញចិត្ត បន្ទាប់ពីពួកគេមានអារម្មណ៍ថាត្រូវបានបំភាន់ដោយទីតាំងកៅអីអង្គុយ
By Dany • 25 views
អ្នកទិញសំបុត្រ World Cup មួយចំនួនបានបង្ហាញការមិនពេញចិត្ត បន្ទាប់ពីពួកគេមានអារម្មណ៍ថាត្រូវបានបំភាន់ដោយទីតាំងកៅអីអង្គុយ ដែលបង្ហាញថាទីតាំងអាចល្អជាងអ្វីដែលពួកគេទទួលពិតប្រាកដ។
បញ្ហានេះពាក់ព័ន្ធជាពិសេសជាមួយអ្នកដែលទិញសំបុត្រ Category 1 ដែលជាប្រភេទថ្លៃបំផុត ប៉ុន្តែមានអ្នកមួយចំនួនត្រូវបានផ្ដល់កៅអីនៅតំបន់មិនល្អដូចដែលគេរំពឹង។
ខុសពីការប្រកួតកីឡាផ្សេងៗនៅអាមេរិក ដែលអាចជ្រើសរើសកៅអីជាក់លាក់បាន ហើយ FIFA លក់សំបុត្រតាម “ប្រភេទ” មិនមែនតាមកៅអីជាក់លាក់ទេ។ នេះមានន័យថា អ្នកទិញសំបុត្រដូចគ្នា អាចទទួលបានទីតាំងខុសគ្នា ដូចជា កន្លែងល្អជិតទីលាន ឬកន្លែងនៅជ្រុង ឬខាងក្រោយទី។
FIFA បានបញ្ជាក់ថា ផែនទីដែលបានបង្ហាញគ្រាន់តែជាការណែនាំទូទៅ មិនមែនជាទីតាំងពិតប្រាកដនៃកៅអីទេ។ ប៉ុន្តែភាពខុសគ្នារវាងអ្វីដែលអ្នកគាំទ្ររំពឹង និងអ្វីដែលពួកគេទទួលបាន បានបង្កឲ្យមានការមិនពេញចិត្តយ៉ាងខ្លាំង។
អ្នកគាំទ្រមួយចំនួនបាននិយាយថា ពួកគេមានអារម្មណ៍ច្របូកច្របល់ ឬស្ទើរតែខកចិត្តចំពោះវិធីចែកកៅអីនេះ។ ខណៈអ្នកផ្សេងទៀតបានបញ្ជាក់ថា ព្រំដែននៃ Category ត្រូវបានផ្លាស់ប្តូរច្រើនដងក្នុងអំឡុងពេលលក់ ដែលធ្វើឲ្យមិនមានភាពច្បាស់លាស់។
FIFA បានពន្យល់ថា ការផ្លាស់ប្តូរនេះ មានគោលបំណងរៀបចំតំបន់ពិសេសសម្រាប់អ្នកគាំទ្រតាមក្រុម ដើម្បីឲ្យអ្នកគាំទ្រក្រុមតែមួយអាចអង្គុយជាមួយគ្នាបាន។
បច្ចុប្បន្ននេះ កៅអីត្រូវបានកំណត់រួចហើយ ហើយនៅដំណាក់កាលលក់ចុងក្រោយ អ្នកទិញអាចជ្រើសរើសកៅអីជាក់លាក់បាន។ ទោះជាយ៉ាងណា អ្នកគាំទ្រខ្លះនៅតែមានសំណួរថា តើកៅអីល្អៗជិតទីលាន ត្រូវបានរក្សាទុកសម្រាប់កញ្ចប់ VIP ឬសេវាកម្មពិសេស (hospitality) ឬអត់។
មានការរាយការណ៍ថា កញ្ចប់ hospitality អាចមានតម្លៃចាប់ពីប្រហែល 2,000 ដុល្លារ រហូតដល់ជាង 70,000 ដុល្លារ ដែលធ្វើឲ្យមានការសង្ស័យថា កៅអីល្អៗអាចមិនមានសម្រាប់អ្នកទិញសំបុត្រធម្មតាទេ។
