FC Barcelona កំពុងស្ថិតក្នុងស្ថានភាពស្មុគស្មាញចំពោះតំណែងអ្នកចាំទី មុនការចូលរដូវកាល 2026-27
By Dany • 28 views
ក្លិប FC Barcelona កំពុងប្រឈមមុខនឹងស្ថានភាពស្មុគស្មាញទាក់ទងនឹងតំណែងអ្នកចាំទី មុនចូលរដូវកាល 2026-27 ខាងមុខ។ ខណៈដែលយុវជន Joan Garcia ត្រូវបានចាត់ទុកថាជាជម្រើសសម្រាប់អនាគតហើយនាយកកីឡា Deco កំពុងស្វែងរកជម្រើសថ្មីៗបន្ថែម ដូចជា Alex Remiro។
ទោះជាយ៉ាងណា Barcelona ត្រូវដោះស្រាយបញ្ហាអនាគតរបស់នកចាំទីដៃចាស់ Marc-Andre ter Stegen ជាមុនសិន និងពិចារណាថាតើត្រូវដាច់កិច្ចសន្យា សម្រាប់ Wojciech Szczesny នៅខែមិថុនាឬអត់។
យោងតាមសារព័ត៌មាន AS បានឲ្យដឹងថា Barcelona បានចាប់ផ្តើមរៀបចំផែនការផ្លាស់ប្តូរតំណែងអ្នកចាំទី ដោយ Garcia គឺជាជម្រើសដែលមានការធានាដែលច្បាស់លាស់សម្រាប់អនាគត។ ខណៈដែល Deco កំពុងស្វែងរកនៅទីផ្សារ កីឡាករ Real Sociedad គឺ Remiro បានក្លាយជាគោលដៅសំខាន់មួយ។
ក្លិប Basque បានចងកិច្ចសន្យា Remiro រហូតដល់ឆ្នាំ 2027 ដែលធ្វើឲ្យការផ្ទេរនៅពេលនេះមានភាពលំបាក ដោយសារតម្លៃខ្ពស់។ ទោះបីជាយ៉ាងណា របាយការណ៍បានបង្ហាញថា Remiro មានចំណាប់អារម្មណ៍ក្នុងការផ្លាស់ទៅលេងនៅ Spotify Camp Nou ហើយភ្នាក់ងាររបស់គាត់ក៏បានទាក់ទងជាមួយ Deco ផងដែរ។
ទោះបីជាការផ្ទេរនៅឆ្នាំ 2027 មើលទៅមានហេតុផលជាងក៏ដោយ ការពិភាក្សាដំបូងៗបានបង្ហាញថា Barcelona កំពុងត្រៀមខ្លួនសម្រាប់ការប្តូរយុទ្ធសាស្ត្រថ្មីនៅតំណែងអ្នកចាំទី។
