Erling Haaland ជួយ Manchester City ឈ្នះ Galatasaray 2-0 ធានាកៅឡើងទៅវគ្គ 16 ក្រុម Champions League
អត្ថបទសរសេរដោយ Dany • 86 views
Erling Haaland បានរកឃើញអារម្មណ៍នៃការស៊ុតគ្រាប់បាល់ពី Open Play ម្តងទៀត ខណៈ Manchester City យកឈ្នះ Galatasaray 2-0 និងធានាកៅអីទៅកាន់វគ្គ 16 ក្រុម UEFA Champions League ដោយភាពតានតឹងខ្លាំង។
ខ្សែប្រយុទ្ធន័រវេសរូបនេះ បានខកខានឱកាសមួយនៅដើមប្រកួត ប៉ុន្តែបន្តិចក្រោយមក គាត់បានស្តារទម្រង់ឡើងវិញ ដោយស៊ុតបាល់បែបត្រជាក់ចិត្ត ចូលទីនៅវគ្គទីមួយ ដែលជាគ្រាប់បាល់ Open Play ដំបូងរបស់គាត់ ក្នុងរយៈពេល 10 ប្រកួតចុងក្រោយ។
មុនចប់វគ្គទីមួយ Rayan Cherki បានបន្ថែមគ្រាប់ទីពីរ សម្រាប់ Man City បន្ទាប់ពីទទួលបាន assist មួយទៀតពី Jeremy Doku ដែលលេងបានលេចធ្លោជាងគេក្នុងការប្រកួតនេះ។ ទោះជាយ៉ាងណា ដំណឹងអាក្រក់បានកើតឡើង នៅពេល Doku ត្រូវបានប្ដូរចេញពីទីលាន ដោយសារសង្ស័យថាមានរបួសជង្គង់ ដែលធ្វើឲ្យអ្នកគាំទ្រព្រួយបារម្ភយ៉ាងខ្លាំង។
នៅវគ្គទីពីរ Galatasaray បានដាក់សម្ពាធយ៉ាងខ្លាំង លើក្រុមរបស់ Pep Guardiola ប៉ុន្តែមិនអាចឆ្លៀតឱកាសសំខាន់ៗបានឡើយ ខណៈអ្នកចាំទី Gianluigi Donnarumma ធ្វើការសង្គ្រោះយ៉ាងអស្ចារ្យ បដិសេធការស៊ុតជិតទីពី Victor Osimhen។
ក្នុងអំឡុងការប្រកួត លទ្ធផលពីទីលានផ្សេងៗទូទាំងអឺរ៉ុប បានធ្វើឲ្យ Man City ធ្លាក់ចុះទៅលេខ 4 ក្នុងតារាង League Phase ជាបណ្តោះអាសន្ន។ ទោះយ៉ាងណា នៅចុងក្រោយ ពួកគេបានឆ្លងកាត់វគ្គនេះដោយស្រាលស្រាវ បញ្ចប់នៅលំដាប់លេខ 8 និងជៀសវាងការចូលលេងវគ្គ Play-off បន្ទាប់ពី Benfica យកឈ្នះ Real Madrid ដែលជាក្រុមឈ្នះពាន 15 ដង និងធ្លាក់ទៅលេខ 9 ក្នុងតារាង។
ជ័យជម្នះនេះ គឺជាដំណឹងល្អសម្រាប់ Manchester City ប៉ុន្តែស្ថានភាពរបួសរបស់ Jeremy Doku នៅតែជាចំណុចដែលត្រូវតាមដានយ៉ាងជិតស្និទ្ធ មុនការប្រកួតធំៗបន្ទាប់។
