អ្នកជំនាញជំរុញឲ្យ England ទម្លាក់ Jude Bellingham ហើយដាក់ Morgan Rogers នៅ World Cup 2026
អត្ថបទសរសេរដោយ Bonat • 91 views
អតីតខ្សែការពារក្រុម England លោក Phil Jones បានណែនាំឱ្យក្រុមជម្រើសជាតិ England គួរតែ ទម្លាក់ ខ្សែបម្រើឆ្នើមរបស់ Real Madrid កីឡាករ Jude Bellingham ចេញពីជម្រើស ១១ នាក់ដំបូង ហើយដាក់ខ្សែបម្រើ Morgan Rogers របស់ Aston Villa ក្នុងតំណែង លេខ ១០ ជំនួសវិញនៅ World Cup ឆ្នាំ ២០២៦។ លោក Jones ជឿជាក់ថា Rogers បច្ចុប្បន្នមាន "ឥទ្ធិពលច្រើនជាង" លើការប្រកួតបើធៀបនឹង Bellingham ដោយសរសើរពី កម្លាំង, ល្បឿន និង សមត្ថភាពរកគ្រាប់បាល់ របស់ Rogers (រកបាន ៥ គ្រាប់ ៥ Assist រដូវកាលនេះ)។
លោក Thomas Tuchel គ្រូបង្វឹក England បានព្រមានកីឡាករទាំងអស់ថា គ្មាននរណាម្នាក់ត្រូវបានធានា កន្លែងក្នុងក្រុមឡើយ ដោយសារគោលការណ៍របស់លោកគឺ "យើងកំពុងព្យាយាមកសាងក្រុម...ក្រុមទើបនឹងឈ្នះពាន គ្មាននរណាម្នាក់ផ្សេងទៀតទេ" ដោយលោកចង់ជ្រើសរើសកីឡាករដែលមាន ភាពស្អិតរមួត (cohesion) និង ស្មារតីជាក្រុម។ England នឹងត្រូវប្រឈមមុខនឹងក្រុម Croatia, Ghana និង Panama ក្នុងវគ្គចែកពូល World Cup 2026។
