បច្ចុប្បន្នភាពរបួសរបស់ Dominik Szoboszlai មុនជំនួបជាមួយ Tottenham
អត្ថបទសរសេរដោយ Bonat • 92 views
ខ្សែបម្រើ Dominik Szoboszlai របស់ Liverpool ត្រូវបានគេរំពឹងថានឹងមិនអវត្តមានយូរឡើយ បន្ទាប់ពីរងរបួសកជើងក្នុងជ័យជម្នះ ២-០ លើក្រុម Brighton កាលពីសប្តាហ៍មុន។ លទ្ធផលស្កេន (Scan) បានបង្ហាញសញ្ញាវិជ្ជមាន ហើយ Szoboszlai បានឆ្លើយតបយ៉ាងល្អជាមួយការព្យាបាល។ រូបគេកំពុងសង្ឃឹមថានឹងអាចជាសះស្បើយទាន់ពេលវេលាសម្រាប់ការប្រកួតទល់នឹង Tottenham នៅយប់ថ្ងៃសៅរ៍នេះ ឬយ៉ាងយូរត្រឹមជំនួបទល់នឹង Wolves នៅសប្តាហ៍ក្រោយ។ Szoboszlai គឺជាកីឡាករដ៏សំខាន់ម្នាក់ក្នុងរដូវកាលនេះ ដោយបានលេងនាទីច្រើនជាងគេ (បន្ទាប់ពី Van Dijk) និងរកបានគ្រាប់បាល់ទាំងក្នុងលីគ និង Champions League។ យ៉ាងណាក៏ដោយ គេត្រូវប្រយ័ត្នក្នុងការទទួលបានកាតលឿង ១ ទៀត ដែលនឹងធ្វើឱ្យគេត្រូវព្យួរជើង ១ ប្រកួត។
បច្ចុប្បន្នភាពកីឡាករផ្សេងទៀត: Joe Gomez: រងរបួសសាច់ដុំ ហើយទំនងជាមិនមានឈ្មោះក្នុងបញ្ជីប្រកួតថ្ងៃសៅរ៍នេះទេ។
-
Conor Bradley: នឹងវិលត្រលប់មកវិញក្នុងតំណែងការពារស្តាំ ក្រោយបញ្ចប់ការព្យួរជើង។
-
Mohamed Salah: អវត្តមានដោយសារត្រូវទៅជួយជាតិក្នុងពានរង្វាន់ AFCON។
-
Jeremie Frimpong: កំពុងខិតជិតការវិលត្រលប់មកវិញ ក្រោយជាសះស្បើយពីរបួស។
បច្ចុប្បន្ន Liverpool ឈរនៅលេខ ៧ ក្នុងតារាង Premier League និងមាន ៤ ពិន្ទុនាំមុខក្រុម Tottenham ដែលឈរនៅលេខ ១១។
