កូនប្រុសទាំង ២ របស់ Diogo Jota នឹងដឹកដៃកីឡាករចូលទីលាន Anfield ក្នុងជំនួបរវាង Liverpool និង Wolves

ក្នុងជំនួបដ៏រំជួលចិត្តនាថ្ងៃសៅរ៍នេះ កូនប្រុសទាំង ២ របស់អតីតខ្សែប្រយុទ្ធ Diogo Jota គឺកុមារ Dinis និង Duarte នឹងចូលរួមជាកុមារនាំផ្លូវ (Mascots) ក្នុងដី Anfield ក្នុងឱកាសដែលអតីតក្លិបទាំងពីររបស់ឪពុកគេគឺ Liverpool និង Wolves ត្រូវប្រឈមមុខគ្នា។ កីឡាករ Diogo Jota និងប្អូនប្រុស Andre Silva បានទទួលមរណភាពក្នុងគ្រោះថ្នាក់ចរាចរណ៍នៅប្រទេសអេស្ប៉ាញ កាលពីថ្ងៃទី ៣ ខែកក្កដា ឆ្នាំ ២០២៥ ខណៈពេលកំពុងធ្វើដំណើរត្រលប់មកហ្វឹកហាត់វិញ។ គ្រួសាររបស់គេធ្លាប់បានចូលរួមអបអរសាទរពានរង្វាន់ Premier League លើកទី ២០ របស់ Liverpool កាលពីចុងរដូវកាល ២០២៤-២៥ មុនពេលសោកនាដកម្មនេះកើតឡើងតែប៉ុន្មានថ្ងៃប៉ុណ្ណោះ។ ក្លិប Liverpool បានសម្រេចចិត្ត "ចូលនិវត្តន៍" លេខអាវ ២០ របស់ Jota ជាស្ថាពរ ដើម្បីជាការផ្តល់កិត្តិយសដល់រូបគេ។

Jota គឺជាកម្លាំងសំខាន់ជួយក្រុមឱ្យឡើងមកលេងនៅលីគកំពូលក្នុងឆ្នាំ ២០១៨ ដោយស៊ុតបញ្ចូលទីបាន ៤៤ គ្រាប់ ក្នុង ១៣១ ប្រកួត។ គេស៊ុតបាន ៦៥ គ្រាប់ ក្នុង ១៨២ ប្រកួត ឈ្នះពាន FA Cup, League Cup និងពាន Premier League រដូវកាលមុន។ បង្ហាញខ្លួនឱ្យព័រទុយហ្គាល់ ៤៩ ដង ស៊ុតបាន ១៤ គ្រាប់ និងឈ្នះពាន Nations League ចំនួន ២ ដង។ បានពាក់អាវលេខ ២០ របស់ Jota ក្នុងជំនួបត្រលប់មក Anfield វិញក្នុងខែនេះ ដើម្បីជាការបង្ហាញការនឹករលឹក។ បានឧទ្ទិសគ្រាប់បាល់ដែលគេស៊ុតចូលកាលពីពេលថ្មីៗនេះ ជូនដល់វិញ្ញាណក្ខន្ធរបស់ Jota និងបានបញ្ជាក់ថាពិភពបាល់ទាត់នឹងមិនភ្លេច Jota ឡើយ។ ការបង្ហាញខ្លួនរបស់កូនៗលោក Jota នៅលើទីលាន Anfield នាថ្ងៃសៅរ៍នេះ មិនត្រឹមតែជាការប្រកួតបាល់ទាត់ប៉ុណ្ណោះទេ ប៉ុន្តែគឺជាការផ្តល់កិត្តិយសដ៏ខ្ពង់ខ្ពស់ និងជាការបង្ហាញសេចក្តីស្រឡាញ់ពីអ្នកគាំទ្រ និងក្លិបទាំងពីរចំពោះវីរបុរសរូបនេះ។