វីរៈបុរស Danny Mills ជឿជាក់ថា Jude Bellingham នឹងរៀនសូត្របានច្រើនពី «ការទាស់ទែងពាក្យសម្តី» ជាមួយគ្រូបង្វឹក Thomas Tuchel
អត្ថបទសរសេរដោយ Danny • 37 views
អតីតខ្សែការពារជម្រើសជាតិអង់គ្លេស លោក Danny Mills បានទម្លាយប្រាប់សារព័ត៌មាន GOAL ថា ពិតជាមានការទាស់ទែងគ្នារវាងបុគ្គល និងបុគ្គល (Personality clash) កើតឡើងពិតប្រាកដមែនរវាងកីឡាករ Jude Bellingham និងគ្រូបង្វឹកលោក Thomas Tuchel។ យ៉ាងណាមិញ លោក Mills ជឿជាក់ថា ខ្សែបម្រើឆ្នើមរបស់ Real Madrid រូបនេះនឹងអាចរៀនសូត្របានច្រើនពីបញ្ហានេះ ស្របពេលដែលគ្រូបង្វឹកសញ្ជាតិអាល្លឺម៉ង់បានបង្ហាញជំហរយ៉ាងច្បាស់ៗថាលោកគឺជា «មេកើយដាច់ខាត» នៅក្នុងក្រុម។
នៅក្នុងព្រឹត្តិការណ៍ World Cup 2026 នេះ កីឡាករវ័យ ២២ ឆ្នាំ Jude Bellingham ទទួលបានកិត្តិយសពាក់អាវលេខ ១០ ឱ្យក្រុមជម្រើសជាតិតោបីអង់គ្លេស (England)។ នៅក្នុងជំនួបបើកឆាកដែលអង់គ្លេសយកឈ្នះក្រូអាត ៤-២ នៅរដ្ឋតិចសាស់, Bellingham បានបង្ហាញទម្រង់លេងយ៉ាងរស់រវើក និងបានស៊ុតបញ្ចូលទីគ្រាប់នាំមុខយ៉ាងស្អាតនៅដើមវគ្គទីពីរ។
កន្លងមក មានការលើកឡើងថា លោក Thomas Tuchel ហាក់មិនសូវពេញចិត្តនឹងអាកប្បកិរិយា ក៏ដូចជាការសម្តែងហួសហេតុមួយចំនួនរបស់ Bellingham នៅលើទីលានឡើយ។ ជុំវិញរឿងរ៉ាវនេះ លោក Danny Mills បានបកស្រាយថា៖ «ខ្ញុំគិតថាវាច្បាស់ណាស់ដែលមានការទាស់ទែងគ្នារវាងអ្នកទាំងពីរ។ លោក Thomas Tuchel គ្រាន់តែចង់ផ្ញើសារព្រមានទៅកាន់គ្រប់គ្នាថា លោកគឺជាមេបញ្ជាការនៅក្នុងក្រុម ហើយលោកមានសិទ្ធិដាច់ខាតក្នុងការជ្រើសរើសកីឡាករណាដែលលោកចង់បាន។ មិនថាអ្នកជាអ្នកណា អស្ចារ្យប៉ុណ្ណាឡើយ ប្រសិនបើគ្រូបង្វឹកមិនជ្រើសរើស អ្នកមានតែត្រូវទទួលយក និងរៀនសូត្រតាមហ្នឹងឱ្យបានលឿនបំផុត»។
បន្ទាប់ពីបង្ហាញទម្រង់លេងយ៉ាងល្អសម្រេចបាន ១ គ្រាប់កាលពីប្រកួតមុន, Bellingham ត្រូវបានរំពឹងថានឹងបន្តរក្សាបានកៅអីក្នុងជម្រើសដំបូងរបស់លោក Tuchel សម្រាប់ការប្រកួតទីពីរដែលអង់គ្លេសត្រូវតទល់នឹងក្រុមជម្រើសជាតិកាណា (Ghana) នាថ្ងៃអង្គារនេះ នៅកីឡដ្ឋាន Gillette Stadium ក្នុងទីក្រុង Boston។
