Cristiano Ronaldo សុបិនចង់បញ្ចប់អាជីពបាល់ទាត់របស់គាត់ ដោយលេងរួមជាមួយ Lionel Messi នៅ Inter Miami
អត្ថបទសរសេរដោយ Dany • 88 views
ក្ដីស្រមៃរបស់អ្នកគាំទ្របាល់ទាត់ទូទាំងពិភពលោក កំពុងខិតជិតទៅរក ការក្លាយជាការពិត បន្ទាប់ពីមានរបាយការណ៍ថា Cristiano Ronaldo បានបង្ហាញ បំណងចង់បញ្ចប់អាជីពបាល់ទាត់ របស់ខ្លួន ដោយលេងជាមួយ Lionel Messi នៅក្លិប Inter Miami។
យោងតាមព័ត៌មានពី Mundo Deportivo បានឲ្យដឹងថា Cristiano Ronaldo បានជម្រាបទៅកាន់ក្លិបបច្ចុប្បន្នរបស់គាត់ Al Nassr អំពី គម្រោងអនាគត ដែលគាត់ចង់ឃើញខ្លួនឯង លេងក្នុងក្រុមតែមួយជាមួយ Lionel Messi ម្តងមុននឹងបញ្ចប់អាជីព។ ប្រសិនបើរឿងនេះកើតឡើង វានឹងក្លាយជា ព្រឹត្តិការណ៍ប្រវត្តិសាស្ត្រ មួយសម្រាប់ពិភពបាល់ទាត់។
ការរួមគ្នារវាង Cristiano Ronaldo និង Lionel Messi ក្នុងក្រុមតែមួយ ត្រូវបានចាត់ទុកថាជា សុបិនរបស់អ្នកគាំទ្រ ដែលរង់ចាំអស់រយៈពេលជាច្រើនឆ្នាំ ព្រោះកីឡាករទាំងពីរតែងតែជា គូប្រជែងដ៏ធំ នៅលើទីលាន ប៉ុន្តែមិនធ្លាប់បានលេងជាមួយគ្នានៅកម្រិតក្លិបឡើយ។
បើសិនជាការផ្លាស់ប្តូរនេះក្លាយជាការពិត Inter Miami នឹងក្លាយជាក្លិបមួយដែលទទួលបាន ការចាប់អារម្មណ៍ខ្លាំងបំផុតក្នុងប្រវត្តិសាស្ត្រ MLS ហើយវាក៏អាចជាទំព័រចុងក្រោយដ៏អស្ចារ្យ សម្រាប់អាជីពបាល់ទាត់របស់ Cristiano Ronaldo និង Lionel Messi ផងដែរ។
