Carlo Ancelotti ត្រូវបានបន្តកិច្ចសន្យាជាគ្រូបង្វឹកក្រុមជម្រើសជាតិប្រេស៊ីល រហូតដល់ World Cup 2026
By Dany • 28 views
ខណៈដែលកំពុងរង់ចាំការប្រកាសជាផ្លូវការ ព័ត៌មានអំពីប្រាក់ខែ និងលក្ខខណ្ឌនានានៃកិច្ចសន្យាថ្មីរវាង Carlo Ancelotti និងក្រុមជម្រើសជាតិ Brazil (Seleção) ត្រូវបានបង្ហាញរួចមកហើយ។
សហព័ន្ធបាល់ទាត់ប្រេស៊ីល (Brazilian Football Confederation) បានបង្ហាញការពេញចិត្តយ៉ាងខ្លាំងចំពោះការងាររបស់គ្រូបង្វឹកជនជាតិអ៊ីតាលីរូបនេះ ហើយក្នុងប៉ុន្មានសប្តាហ៍ចុងក្រោយ បានសម្រេចបន្តកិច្ចសន្យារបស់គាត់ជាគ្រូបង្វឹកនៃ Seleção ដើម្បីបញ្ជាក់ពីការជឿជាក់ និងការគាំទ្រដែលពួកគេមានចំពោះគាត់។
ទោះបីជាការប្រកាសជាផ្លូវការមិនទាន់ធ្វើឡើងក៏ដោយ ប៉ុន្តែព័ត៌មាននេះត្រូវបានរាយការណ៍ជាមុនដោយសារព័ត៌មាន ESPN Brasil ដែលក៏បានបង្ហាញព័ត៌មានលម្អិតជាច្រើនទាក់ទងនឹងកិច្ចព្រមព្រៀងថ្មីនេះផងដែរ។
តាមរបាយការណ៍នេះ កិច្ចសន្យាថ្មីរបស់ Ancelotti មានលក្ខខណ្ឌល្អប្រសើរជាងមុនទាំងផ្នែកហិរញ្ញវត្ថុ និងអំណាចក្នុងការគ្រប់គ្រងក្រុម ដែលបង្ហាញថា Brazilian Football Confederation មានគម្រោងវែងឆ្ងាយជាមួយគាត់ ដើម្បីនាំក្រុមទៅរកភាពជោគជ័យនៅលើឆាកអន្តរជាតិ។
ការបន្តកិច្ចសន្យានេះក៏ត្រូវបានមើលថា ជាជំហានសំខាន់មួយក្នុងការរៀបចំក្រុមជម្រើសជាត់ Brazil សម្រាប់ការប្រកួតធំៗខាងមុខ ជាពិសេស World Cup 2026 ដែលនឹងធ្វើឡើងនៅ USA, Mexico, និង Canada។
ក្រោមការដឹកនាំរបស់ Carlo Ancelotti សហព័ន្ធបាល់ទាត់ប្រេស៊ីលសង្ឃឹមថាក្រុម Seleção នឹងអាចត្រឡប់ទៅកាន់កំពូលបាល់ទាត់ពិភពលោកវិញ និងបន្តប្រវត្តិសាស្ត្រជោគជ័យរបស់ពួកគេ។
