Bernardo Silva ព្រមានថា តារា Man City នឹងត្រូវ 'បណ្តេញចេញ' បើមិនឈ្នះពាននៅរដូវកាលនេះ
អត្ថបទសរសេរដោយ Bonat • 91 views
កីឡាករ Bernardo Silva ខ្សែបម្រើក្រុម Manchester City បានចេញមុខ ព្រមានយ៉ាងម៉ឺងម៉ាត់ ទៅកាន់មិត្តរួមក្រុមរបស់ខ្លួនថា ពួកគេនឹងត្រូវ "បណ្តេញចេញ" ហើយ "មិនសមនឹងនៅទីនេះទេ" ប្រសិនបើពួកគេ បរាជ័យ មិនអាចឈ្នះពានរង្វាន់ធំណាមួយក្នុងរដូវកាល ២០២៥-២៦ នេះ។ Silva (ដែលឈ្នះពាន ១៧ ជាមួយ City) បាននិយាយថា៖ "ប្រសិនបើអ្នកមិនឈ្នះទេ ក្លិបនឹងធ្វើការសម្រេចចិត្តម្តងទៀត ហើយវាជារឿងធម្មតា វាជាផ្នែកមួយនៃអាជីវកម្ម។ មានតែការសម្លាប់ ឬត្រូវគេសម្លាប់ប៉ុណ្ណោះ"។ លោកបានសង្កត់ធ្ងន់ថា សម្ពាធ នេះគឺជា "សម្ពាធដ៏ល្អ"។
លោក Silva ជឿជាក់ថា ក្រុម Man City នាពេលបច្ចុប្បន្នគឺ "ល្អប្រសើរជាង" និង "បានត្រៀមខ្លួនច្រើនជាង" ក្នុងការប្រយុទ្ធដណ្តើមពានបើធៀបនឹងរដូវកាលមុន (ដែលពួកគេ មិនបានឈ្នះ ពានធំណាមួយ)។ Man City កំពុងប្រជែងដណ្តើមពាន Premier League យ៉ាងស្វិតស្វាញ ដោយ តាមពីក្រោយ Arsenal ២ ពិន្ទុ និងនៅសល់ការប្រកួតក្នុងពាន Champions League, Carabao Cup និង FA Cup។ កីឡាករវ័យ ៣១ ឆ្នាំ រូបនេះនឹង អស់កុងត្រា នៅរដូវក្តៅក្រោយ ហើយកំពុងគិតអំពីការ ចូលនិវត្តន៍ ប៉ុន្តែលោកបានបញ្ជាក់ថា បើលោកត្រលប់មកវិញក្នុងវិស័យបាល់ទាត់ វានឹងជាតួនាទីជា គ្រូបង្វឹក។
