Ansu Fati បង្ហាញអារម្មណ៍ពេលហ្វឹកហាត់ប្រកួតទល់នឹង Lionel Messi ថាជារឿង “អស្ចារ្យមិនធម្មតា” ហើយក៏បានរំលឹកដល់ Lamine Yamal និង Kylian Mbappe ថាជាតារាកំពុងរីកចម្រើន
អត្ថបទសរសេរដោយ Dany • 58 views
អតីតកីឡាករ FC Barcelona គឺ Ansu Fati បានបង្ហាញពីបទពិសោធន៍ដ៏ពិសេសមួយក្នុងអាជីពរបស់ខ្លួន ដោយនិយាយថា ការប្រកួតទល់នឹង Lionel Messi ក្នុងការហ្វឹកហាត់ គឺជារឿង “អស្ចារ្យមិនធម្មតា”។ ខណៈពេលបច្ចុប្បន្នកំពុងលេងឲ្យ AS Monaco គេក៏បានលើកឈ្មោះ Lamine Yamal និង Kylian Mbappe ជាកីឡាករដែលមានសមត្ថភាពខ្លាំងបំផុតដែលគេធ្លាប់លេងជាមួយ។
ការបង្ហាញនេះបានកើតឡើងក្នុងឯកសារថ្មីមួយមានចំណងជើងថា “A day with Ansu” ដែលបានបញ្ចេញដោយ Monaco។ នៅពេលត្រូវសួរអំពីកីឡាករល្អបំផុតដែលគេធ្លាប់លេងជាមួយ Fati បាននឹកឃើញដំបូងទៅលើ Messi ជាពិសេសក្នុងការហ្វឹកហាត់នៅ Barcelona។ គេបាននិយាយថា៖ «ក្នុងការហ្វឹកហាត់ប្រកួតទល់នឹង Leo Messi គឺពិតជាមិនធម្មតា។ ហើយក៏មានកីឡាករច្រើនទៀត ដូចជា Mbappe, Lamine, Dembele ហើយឥឡូវក៏មាន Pogba ផងដែរ… មានជាច្រើនណាស់»
ទោះបីជាបច្ចុប្បន្នគេកំពុងមានអតីតល្អនៅបារាំងក៏ដោយ បេះដូងរបស់ Fati នៅតែភ្ជាប់ជាមួយ Barcelona។ គេបានរំលឹកដល់ពេលដំបូងក្នុងអាជីពថា ជាពេលវេលាដែលមិនអាចភ្លេចបាន គឺការចូលលេងជាអាជីពលើកដំបូងក្នុងការប្រកួតទល់និង Real Betis នៅកីឡដ្ឋាន Camp Nou ដែលជាថ្ងៃដ៏មានន័យសម្រាប់គាត់ និងគ្រួសារ។
ចំពោះគ្រាប់បាល់ដែលគេចូលចិត្តបំផុត គេបានជ្រើសរើសគ្រាប់ដំបូងជាមួយ Barcelona ទល់ CA Osasuna ដែលគេចាត់ទុកថាជាចំណុចចាប់ផ្តើមនៃអាជីពរបស់ខ្លួន។
នៅ Ligue 1, Fati កំពុងស្ដារឡើងវិញនូវទម្រង់លេងបានល្អ ដោយរកបាន ១០គ្រាប់ ក្នុង ២៦ប្រកួត។ Monaco កំពុងផ្តល់បរិយាកាសល្អឲ្យគេអភិវឌ្ឍខ្លួន ហើយក្លិបក៏កំពុងពិចារណាផ្ទេរយកគេជាអចិន្ត្រៃយ៍ផងដែរ។ Fati បាននិយាយថា ការផ្លាស់ទៅ Monaco គឺជាការងាយស្រួល ព្រោះក្លិបមានគម្រោងច្បាស់លាស់ ហើយមិត្តរួមក្រុម គ្រូបង្វឹក និងអ្នកគាំទ្រ បានជួយឲ្យគេមានអារម្មណ៍ដូចនៅផ្ទះចាស់ FC Barcelona។
